[A:101b]rdor gyis byams pa la sogs pa rnams la 'di skad ces bsdus par bzhed do / /
IVAcc1b2c3b4. gnyis pa gnas tshul la gsum ste / a5. bstan pa ji srid gnas pa'i dus / b5. dus der 'byung ba'i bstan 'dzin gyi gang zag lung bstan pa / [B:91a]c5. lung bstan pa'i gang zag gis bstan pa la bya ba byas tshul lo / /
IVAcc1b2c3b4a5. dang po la / 'dul 'dzin kha cig bstan pa lo bdun stong du gnas pa la / skye dgu'i bdag mo rab tu byung bas nyis stong 'gribs te / lnga stong du gnas par phran tshegs nas bshad zer te / phran tshegs su yang lo stong du gnas par gsungs pa dang 'gal lo / /
mdo bskal bzangs las / chos lo lnga brgya dang / gzugs brnyan lo lnga brgya ste stong du bshad / mdzod kyi mdo tig tu gser phreng can gyi rtogs pa brjod pa las kyang / rgyal po khyod kyi rmi lam du skye bo phal po che 'dus nas / tshig ngan brjod de chad pa dang gnod pa byed pa mthong ba gang yin pa de ni sangs rgyas sh'akya thub pa de'i bstan pa lo stong du gnas shing mthar ngan par smra ba dang chad par byed pas nub par 'gyur ba'i snga ltas yin no / /
zhes 'byung ngo / /
mngon pa mdzod kyi rang 'grel du / de dag kyang lo stong du gnas so zhes bshad do / /
gzhan dag na re / rtogs pa ni de lta bu yin gyi / lung ni yun ring du gnas so zhes zer ro zhes lo stong [C:135]du gnas par gsungs so / /
drin lan bsab par / gal te de bzhin gshegs pas sangs rgyas kyi bstan pa la bud med 'jug tu gnang bar gyur na / dam pa'i chos lo lnga brgyas sngar nub par 'gyur te / de bas na de bzhin gshegs pa ni bud med rnams sangs rgyas kyi bstan pa la 'jug par mi dgos so / /
zhes bud med rab tu byung bas lo lnga brgya 'grib par bshad