[A:102a]do / /
blo gros mi zad pas bstan pa'i mdo'i 'grel par slad ma'i dus lnga brgya pa tha mal / zhes pa'i 'grel par / dper na / mi'i tshe lo brgya thub pa la lo lnga bcu'i bar du ni 'phel ba'i dus te / lus dang shes rab dang rtsal la sogs pa 'phel zhing skye'o / /
de ltar lo lnga bcu 'das nas de'i phyi ma lnga bcu ni 'grib pa'i dus te / lus dang shes [B:91b]rab dang rtsal la sogs pa nyams shing 'bri bar 'gyur ro / /
de bzhin du sangs rgyas sh'akya thub pa'i bstan pa 'bras bu thob pa dang shin tu rgyas pa'i dus ni lo stong zhig 'dzam bu'i gling na gnas so / /
de yang phyed du bgos te lnga brgya snga ma ni 'phel ba'i dus su bzhag la / lnga brgya phyi ma ni 'grib pa'i dus zhes bya'o zhes bsungs so / /
yang zla ba snying po'i mdo las mya ngan las 'das nas dam pa'i chos kyi gzugs brnyan lo nyis stong gnas par 'gyur ro zhes pa dang / snying rje pad dkar du / bdag mya ngan las 'das nas lo stong du dam pa'i chos gnas par gyur cig /
yang lo lnga brgyar dam pa'i chos kyi gzugs brnyan gnas par gyar cig /
ces phyed dang nyis stong du gsungs la / rdo rje gcod pa'i 'grel par / lnga brgya pa tha ma zhes bya ba la brgya phrag lnga'i tshogs ni lnga brgya ste / bcom ldan 'das kyi bstan pa lnga brgya phrag lnga'i bar du gnas zhes grags pas / de'i phyir tha ma zhes bye brag tu mdzad do zhes pa dang / thub dgongs su / bcom ldan 'das sh'akya thub pa'i dam pa'i chos ni lo lnga brgya pa lngar gnas par gsungs so / /
zhes kha cig zer ro zhes phyed dang sum stong dang / 'bum tig tu lo lnga stong gnas pa las lo stong phrag re re la