[A:102b]phyed phyed du bcad pas lnga brgya phrag bcu la le'u bcur 'gyur te / de la lnga brgya dang po dang gnyis pa dang gsum pa rnams la rim pa ltar dgra bcom pa dang phyir mi 'ong ba dang rgyun du zhugs pa mang du 'byung bas / dgra bcom pa'i le'u dang phyir mi 'ong ba'i le'u dang rgyun du zhugs pa'i le'u zhes bya te / khong du chud pa'i le'u gsum dang / de nas lnga brgya bzhi pa dang lnga pa dang drug pa rnams la go rims bzhin du lhag mthong dang ting nge 'dzin dang tshul khrims dang ldan pa mang du 'byung bas [C:136]lhag mthong gi le'u dang ting nge 'dzin gyi le'u dang tshul khrims kyi le'u zhes bya ste sgrub pa'i [B:92a]le'u gsum dang / de nas lnga brgya bdun pa dang brgyad pa dang dgu pa la rim pa ltar chos mngon pa dang mdo sde dang 'dul ba ston pa mang du 'byung bas mngon pa'i le'u dang mdo sde'i le'u dang 'dul ba'i le'u ste lung gi le'u gsum dang / lnga brgya pa bcu pa ni / rab tu byung ba'i rtags tsam las lta spyod rnal ma dang mi ldan pas rtags tsam 'dzin pa'i le'u ste 'di nyid la lnga brgya tha ma zhes bya'o zhes bshad do / /
slob dbon 'jam dpal grags pas / lnga brgya phrag bcu po la mngon par rtogs pa'i dus gsum dang / sgrub pa'i dus gsum dang / lung gi dus gsum dang / rtags tsam 'dzin pa'i dus zhes bshad la / dang po la 'bras bu'i dus zhes kyang bya'o / /
yang 'phags pa dga' ba'i bshes gnyen gyi rtogs brjod las / 'dzam bu'i gling pa'i mi rnams kyi tshe lo bcu pa las yar 'phel te / tshe lo drug brgya par gyur pa'i bar du / bcom ldan 'das sh'akya thub pa'i bstan pa dam pa'i chos gnas par 'gyur ro zhes bshad do / /
de la / lo stong dang / lnga brgya dang / nyis stong