[A:103a]dang nyis stong lnga brgyar bshad pa ni / drang don du gsal te / dgongs gzhi sgrub pa la sogs pa nyams pa la dgongs te / thub dgongs su dam pa'i chos nub pa ni sgrub pa yongs su nyams pa yin no / /
zhes pa dang / rdo rje gcod pa'i 'grel par / dam pa'i chos rab tu rnam par 'jig pa ni mos pa dang / klog pa dang / kha ton byed pa dang / lung nod pa dang / 'chad pa dang / nyan pa dang / sems pa la sogs pa nyams pa'o zhes bshad pa'o / /
dgos pa gdul bya skyo ba bskyed pa'i phyir yin no / /
dngos la gnod byed lha mo dri ma med pa'i 'od lung bstan par / nga yongs su mya ngan las 'das nas lo nyis stong lnga brgya na gdong dmar can gyi yul du dam pa'i chos rgyas par 'gyur ro / /
zhes sogs dang / thogs med sku mched la sogs lung bstan pa dang [B:92b]'gal pa'i phyir ro / /
mdzod kyi 'grel bshad du / lung gi chos yun ring du gnas pa ni / lo stong gi 'og tu yang gnas so zhes bya ste / phyogs 'di nyid rigs par blta'o zhes so / /
lnga stong du gnas pa nges pa'i don te de la lngar lo du song na jo bo rje ni / ston pa shing pho byi ba la lhums su zhugs shing mo glang la bltams / sa mo phag la sangs rgyas / shing pho spre'u'i lo ston zla tha chung gi yar ngo'i tshes brgyad la 'das par bzhed la / chos rje sa skya pa ni / me mo yos la lhums su zhugs sa pho 'brug la bltams / chu pho stag la sangs rgyas / me mo phag gi dpyid thasi nya'am ston tha'i tshes brgyad la [C:137]'das par bzhed de / de la ston pa 'das nas lo brgya sum cu rtsa bdun na rgyal po dga' byed byung / de nas lo brgyad brgya na rgyal po zla