[A:104b]dus 'khor lugs kyi chu pho khyi yan chad la / stong drug brgya bcu gsum 'das / lhag ma brgya brgyad cu rtsa bdun las so zer ba ni / dus kyi 'khor lo'i dgongs pa ma shes par rig par bya'o / /
kha cig ka ma la sh'i la'i lugs kyi nyis stong bzhi bcu 'das la / bzhi brgya drug cu las zhes smra ba la / shes byed ma mthong ngo / /
des na dus 'khor lugs kyi rtsa rgyud bstan nas / chu pho khyi yan chad la lo nyis stong chig brgya dgu bcu rtsa brgyad 'das par shes par bya'o / /
tshe lo drug brgya bar gyur ba'i bar du gnas par bshad pa ni / sku gdung gi mchod rten la sogs la dgongs pa yin snyam mo / /
IVAcc1b2c3b4b5. gnyis pa bstan pa 'dzin pa'i gang zag ni / 'od srungs kun dga' sha na'i gos can dang / /
nye sbas dhi dhi ka dang nag po dang / /
legs mthong chen po bstan pa'i gtad rabs bdun / /
'dul ba phran tshegs nang nas 'byung ba yin / lang kar gshegs par / bde gshegs mya ngan 'das nas ni / /
yang dag bstan pa su zhig 'dzin / /
zhes sogs kyi 'grel par / thub pa nas dhi dhi ka'i bar lung dang 'dra ba las / des bi bha ga la / des btsun pa bud dha nan ti la / des buddha mi ta la / des slob ma dge slong rtsibs la / des su na sha ta la / des rta skad la / des ma shi ba la / des klu sgrub la / [B:94a]des 'arya de ba la / des r'a hu la la / des saM gha nan di la / des dge slong dgra bcom [C:139]pa la / des gha la sha la / des ku ma ra ta la / des sha ya ta la / des ba su ban dhu la / des ma no ta la / des ha ka li ka na ya na sha la / des dge slong seng ge la bstan pa gtad par bshad do / /
snying rje pad dkar las / ston pa 'das nas bstan pa sus 'dzin zhes pa'i lan du / kun dga' bo dge slong 'od srungs