[A:10b]ldan pas nye bar ston pa phun sum tshogs pa dang bzhi'o / /
IIDc. bshad pa'i chos ni / lam gyi chos gsal bar byed pa phun sum tshogs pa ste / de yang bya ba bzhi ldan te / 'di ni [B:9b]lam yin no zhes nye bar nyan pa nyid dang / 'di nyid lam yin gyi gzhan ni ma yin no / /
zhes nges par byed pa dang / dran pa nye bar gzhag pa la sogs pa 'di ni lam gyi rgyu yin no / /
zhes de'i tshogs gsal bar byed pa dang / nyon mongs pa dang / las dang / tshe'i sgrib pa 'di ni lam gyi gegs byed pa yin no / /
zhes sgrib pa rab tu nye bar ston pa dang bzhi pa'o / /
de dag rten 'brel 'grel bshad las bshad do / /
de'i bshad pa'i chos la dbye na gnyis te / a1. bka' dang b1. bstan bcos te / ji skad du / chos rnams thams cad bka' dang bstan bcos gnyis su 'dus / /
legs par gsungs dang de yi dgongs 'grel te / /
de'i dbang gis sh'akya'i bstan pa 'di / /
'jig rten khams 'dir yun ring gnas par 'gyur / zhes so / /
IIDca1. thog ma bka' la / a2. mtshan nyid / b2. sgra don c2. dbye ba gsum las
IIDca1a2. dang po ni / gleng gzhi bshad bya'i chos mthun 'gyur rjes su yi rang ste / tshig don phun sum tshogs pa'o zhes mchams pa kha cig zer ro / /
brjod bya don ldan gyi chos dang 'brel zhing / byed las khams gsum gyi nyon mongs spong ba / 'bras bu zhi ba'i phan yon ston pa'i rjod byed bdag rkyen gyi gtso bo sangs rgyas kyis mdzad nas byung ba ste / rgyud blar / gang zhig don ldan chos dang nyer 'brel zhing / /
khams gsum kun nas nyon mongs spong byed gsung / /
zhi ba'i phan yon ston par mdzad pa gang / /
de