[A:108b]nas de'i bu snying po thig le zhes bya bas lo bdun cur rgyal [B:97b]srid byed / de'i blon po tsa na ka ste dmyal bar 'gro / dge slong dga' bo'i 'og tu tsan dan skyong zhes pa / lo sum brgyar 'tsho ba 'byung / de nas rgyal po btsun pa zhes pas shar [C:144]phyogs nas / kha che'i bar gyi lha khang mchod rten rnams bsregs / btsun pa rnams gsod par byed pa 'byung / de'i 'og tu rgyal po sangs rgyas phyogs zhes pa 'byung / de nas rgyal po thams cad sngon dga' zhes pa lo sum brgya thub pa zhig 'byung / de'i bu rgyal po zab mo'i phyogs zhes pa lnga len du 'byung / gangs ri'i nang byang phyogs lha ldan gyi yul du rgyal po mi'i lha zhes pa lo brgyad cu thub pa zhig 'byung / /
rgya'i yul du rgyal po dbyig gi snying po zhes pa lo brgya lnga bcu thub pa de'i yul du / byang chub sems dpa' dpa' po che / /
'jam pa'i dbyangs ni 'od chen po / /
mngon sum de yi yul dag na / /
byis pa'i gzugs kyis bzhugs pa yin / byang phyogs su rgyal po tu ru SHka zhes pa lo sum brgya thub pa 'byung / de nas tu ru SHka mang pos bkur ba zhes pa lo nyis brgya thub pa 'byung / nub phyogs 'phags rgyal gyi pha rol la da'i yul du rgyal po ngang tshul zhes pa lo sum brgyar rgyal srid byed / de nas rgyal po g.yo ba zhes pas lo lnga bcu rtsa lnga dang / zla ba lnga thub pa 'byung zhing / de dag phal cher byang chub thob par lung bstan no / /
gzhan yang rgyal po mang po lung bstan te / mngas?mangs? kyis dogs pas ma bris so / /
mgon po mngon 'byung gi rgyud las kyang / nya pa gcig nya yis zos nas shi ba dang / rnal 'byor pa d'a ri ka zhes par gyur nas / des chu bo gangg'a la chang 'phangs pa / chu tshod gcig na yul ba da ha