[A:109b]gzhan la phan pa'i bsam pa zla ba padma padma'i myu gu zhes / /
ma 'gongs bha sa la yi rtog pa'i rgyal po ma lus nag po rgyal po ondra bo dhi dang / zhes pa dang / ye shes ming can rdo rje dril bu lag ltung dag kyang de bzhin thod par chang 'thung zhing / kha TwaM ga dang rus pa'i rgyan cha chang snod cang te'u ster ba nag po'i ming can no / /
zhes gsungs pas / lung bstan pa'i gang zag de dag gis bstan pa 'dzig par [B:98b]byed do / /
kha cig rnal 'byor pa'i cha byad can la lung bstan med ces smra ba'ang / de dag gis khegs so / /
spyir sangs rgyas kyi bstan pa 'dzin pa bshad sgrub byed pa / khyad par sangs rgyas stong gi bstan pa phyag rdor gyis bsrung sdud skyong / /
thub pa 'di'i bstan pa 'jam dpal dang phyag rdor dang / tshangs pa brgya byin la sogs pas bsrung ste / 'jam dpal rtsa rgyud las / thub dbang yongs su mya ngan 'das / /
dam pa'i chos ni bsrung ba'i phyir / /
de tshe rtag bsrung bar ni / /
'jam pa'i dbyangs su 'gyur ba yin / /
zhes so / /
khyad par du gnas brtan bcu drug gis skyong ste / sum cu rtsa gsum na gnas brtan lam pa / gangs can na gnas brtan mi phyed pa / nub ba lang spyod na gser can / byang sgra mi snyan na bha ku la / shar lus 'phags na bha ra dhwa dza / zangs gling na dus ldan chen po / /
sing ga gling na rdo rje mo'i bu / /
pri yang ku'i gling na sgra gcan 'dzin / chu bo ya mu na'i glong na dpal bzang / ri bi hu la na sbed byed / ngos yangs kyi ri la klu sde / lo ma bdun pa'i ri la nags gnas / bya rgod spungs pa la lam phran / kha cher gser gyi be'u / ti si la yan lag 'byung / drang srong shel nags la ma pham pa ste / bcu drug po re re la dgra bcom pa mang pos bskor te / mya ngan las