[A:115a]pham byas thub mchog bstan pa yun ring bshad / /
ces gsungs so / /
'arya de ba'i slob ma ma khol gyis kyang bstan bcos mang du brtsams shing bstan pa la bya ba byas te / lo rgyus rnams / mngas?mangs? bas 'jigs pas ma bris so / /
thogs med sku mched kyi byon tshul ni chos mngon pa la dgra lan gsum du dar te / dang po mu stegs kyi rgan mo zhig na [B:103b]re / nang pa'i gaNDi'i sgra las 'gems zhes pa zhig snang ste / 'o skol la gnod mi gnod brtag par rigs so / /
zer nas brtags pas / lha dang klu dang gnod sbyin gyis mchod pa'i / /
dkon mchog gsum gyi tog sde 'di brdungs pas / /
mu stegs 'chal ba'i klad pa rnam par 'gems / /
zhes par rig nas dmag drangs te bsnubs so / /
de nas cung zad 'phel nas yod pa'i tshe / dbus kyi rgyal pos stag gzig gi rgyal po la ras kyi na bza' srubs med pa zhig skyes su bskur te / de'i snying khar rkang rjes 'dra ba zhig yod pas ngan sngags byas so zer nas dmag drangs te bsnubs so / /
de nas yang cung zad 'phel nas yod pa'i tshe nang pa'i gtsug lag khang zhig tu phyi pa'i sprang po gnyis slong 'ongs pa la / bkru chu stor bas khros te nyi ma bsgrubs nas nang pa'i gtsug lag khang dang gsung rab mang po bsregs nas bsnubs so / /
de'i tshe bram ze mo gsal ba'i tshul khrims zhes pa'i bsam pa la / bstan pa'i rtsa ba mngon pa la dgra lan gsum gyis nub pas / 'di dar bar byed nus pa gzhan yang mi snang / bdag kyang bud med du song bas mi nus kyi / lus la bu bskyed la / dar bar byed du gzhug go /
snyam ste rgyal rigs dang 'dus pas thogs med dang / bram ze dang 'dus pas dbyig gnyen byung nas btsas pa na