[A:116b]sh'anti pa ni mngon pa kun las btus kyang / byams pas mdzad par 'dod ces grags kyang / yongs su grags pa byams pa'i chos lnga mdzad pa rnams gsan te / mi yul du byon nas / rnal 'byor spyod pa'i sa chen po la sogs pa theg chen gyi sde snod dam / lde snod gsum gtan la 'bebs pa rgyas pa'i bstan bcos sa sde lnga dang / de'i don sdud pa sdom rnam gnyis brtsams te / mngon pa kun las btus ni theg pa thun mong gi sdom yin no / /
kha cig slob dpon a bha yas / theg pa chen po'i bstan bcos mngon pa kun las btus zhes bshad pas thun mong du mi 'thad zer yang / skyon med de / theg chen gyi bstan bcos yin yang theg pa gsum ga'i don ston pa mi 'gal te sa sde bzhin no / /
byams chos lnga yang yi ger bkod de / mngon rtogs rgyan dang [B:105a]yum gyi don ston pa de nyid rnam nges brtsams / rgyud bla'i 'grel pa dang / mdo dgongs pa nges 'grel gyi 'grel pa sogs mdzad cing sa gsum pa brnyes pas bstan pa la bya ba byas pa yin no / /
'grel chung gi bshad pa tshig gsal du / slob dpon thogs med sa gsum pa 'od byed pa brnyes kyang dbyig gnyen gdul ba'i don du sems tsam du bstan no zhes pa dang / sems tsam rgyan las / byams pa thogs med kyis gsungs shing / /
klu sgrub kyang ni bzhed pa yi / /
tshad ma lung dang ldan pa yi / /
bden pa gnyis ni 'dir brjod bya / /
zhes pa'i 'grel par / byams pa ni sa bcu pa'i byang chub sems dpa'o / /
thogs med ni sa gsum pa la gnas pa'i byang chub sems dpa'o / /
klu sgrub ni sa dang po la gnas pa'i byang chub sems dpa'o / /
zhes so / /
kha cig sa'i stod 'grel las /