[A:117a]'jig rten kun la phan phyir thogs med ces bya ba / /
chos rgyun ting 'dzin stobs kyis drangs pa'i bdud rtsi'i chos / /
'phags pa mi pham zhal gyi bum pa nas blugs pa / /
gsan pa'i snyim pas gsol ba de la phyag 'tshal lo / /
zhes pa dang / rnam par bshad pa bsdu ba'i mjug tu / 'phags pa thogs med bdag dang gzhan gyi grub pa'i mtha' rgya mtsho'i pha rol tu byon nas chos kyi rgyun gyi ting nge 'dzin gyi khyad par brnyes pa 'phags pa mi pham pa'i zhabs kyi padma rnyog [C:155]pa med pa spyi bos len par mdzad / ces bshad pas chos rgyun gyi ting nge 'dzin la gnas par bshad cing / de tshogs lam na yod pas 'phags pa min yang rgyu la 'bras bu'i ming gis 'phags par btags so / /
zer ba mi 'thad de / slob dpon seng ge bzang pos / chos rgyun ting nge 'dzin tshogs lam du thob par bshad kyang / de'i rjes la med par ma bshad pas so skyer mi 'grub cing / [B:105b]mdo lde rgyan gyi 'grer bshad chen mo las / chos kyi rgyun gyi ting nge 'dzin ni mos pas spyod pas mthar phyin pa'o / /
zhes pa dang / btsun pa ngo bo nyid med pa'i 'grel bshad las chos kyi rgyun gyi ting nge 'dzin ni 'jig rten pa'i chos kyi mchog go zhes gsungs la / chos mchog dang mthong lam stan gcig tu skye bas shin tu'ang 'phags par gsal lo / /
des dgung lo lnga brgyar zer yang brgya lnga bcu bzhugs te / theg chen dar bar mdzad do / /
dbyig gnyen gyis / sngon rang rgyal mang pos chos mngon pa dar bar smon lam btab cing / lung sman gyi gzhi las / lhag mthong dang rjes su mthun pa'i gnas mal gyi mchog tu lung bstan