[A:117b]pa'i kha cher slob dpon 'dus bzang gi drung du / sngon dgra bcom pa zhi ldan dang sgur po la sogs pa mang pos mngon pa sde bdun dang lung gi don bsdus pa bstan bcos bye brag tu bshad pa zhes pa gzhung 'bum phrag gcig tu longs pa zhig mdzad do / /
'od ldan las / nyer sbas kyis mdzad ces 'byung ngo / /
'di la 'grel pa rgyal sras mar bye brag bshad mtsho zhes 'byung ba ni / bye brag tu bshad pa rgya mtshor gzugs can gyi rgyan gyi ston pa yin gyi ming ma yin la de bzhin du bye brag bshad mdzod ces 'dod pa'ang mi 'thad do / /
bye brag tu bshad pa dang mngon pa sde bdun la sogs pa bslabs pas tshegs med par mkhyen nas / rgya gar du 'byon par bzhed pa'i tshe yul de'i sho gam bsrung ba'i gnod sbyin gyis lha rten yod pa phrogs nas lan gsum gyi bar zlog kyang / nor ni med / chos blo la yod pa dbral du mi btub pas btang ste n'a len drar byon pa dang / gcen gyis bstan bcos mang du brtsams pa'ang gsan nas / kye ma thogs med nags su lo / /
bcu gnyis bar du ting 'dzin bsgrubs / /
ting 'dzin ma grub glang chen gyi / /
rgyab khal longs pa'i grub [B:106a]mtha' brtsams zhes theg chen gyi gang zag dang chos la bstings pa gcen gyis gsan nas / log sgrub don min du 'gyur bar mkhyen nas de bzlog pa'i phyir slob ma gnyis sa bcu pa dang / blo gros mi zad pas bstan pa 'dzin du bcug nas / gcung can song la srod dang tho rangs [C:156]thon cig /
ces bsgo pa ltar bsgrubs pas / srod la theg chen 'di rgyu bzang la 'bras bu kha g.yel ba 'dra gsung tho rangs rgyu 'bras gnyis ka bzang bar 'dug pa la ngas skur ba btab pa lce 'dis lan pas gcod gsung nas / spu