[A:118a]gri tshol ba'i tshe khong gnyis kyis ljags sgum mi 'tshal / de'i sgrib pa sbyang thabs gcen la mnga' bas / der gshegs so / /
zhes smras te byon to / /
der chos mang du gsan cing 'bel gtam mang du mdzad pa'i tshe gcung ni spobs pa shin tu myur bar byung / gcen cung zad bul ba'i lan bzang po byung bas / 'di'i rgyu ci / dris pas / khyod ni skye ba lnga brgyar paNDi tar gyur pas skyes thos kyi shes rab che ba yin / nga la de lta bu med pas yi dam zhig la dris shing lan 'debs pa yin gsung / de bdag la bstan par zhu byas pas / rje btsun la zhu yi gsung nas zhus pas / khyod so so'i skye bo yin cing / dang por theg chen la skur ba btab pas / tshe 'di la mthong ba'i skal ba med kyis sgrib pa sbyang bar bya ba'i phyir / theg chen gyi mdo 'grel mang du rtsoms / gtsug tor rnam rgyal thon / phyi ma la mjal / gsung nas / de nas gcen la lhag par dad de / nga yi phu'o klu dang 'dra / /
nga ni char sdod bya dang 'dra / /
klu yi rgyal pos char phab kyang / /
bya yi gre bar song ba med / ces zer zhing / byams pa'i gsung yang bsgrubs la / mdzod kyi tshig le'ur byas pa brtsams te / skyes dang bcas pa 'dus bzas la springs so / /
de'i slob ma [B:106b]dag gis lo dang grag la sogs pa 'di 'o skol gyi grub mtha' la zur za'o / /
zhes smras pa dang / khong bstan bcos rtsam pa la mkhas pas tshig rgyan yin zer te / shin tu mnyes nas 'grel pa mdo dang mthun pa yang sbyar ro / /
dus phyis 'grel pa mdzad de bskur ba dang / rtsa ba sun 'byin gyi 'grel pa 'di lung dang rigs pas tshar bcad cing pham par byas la / khong nyid kyis