[A:123b]bas sde bdun la 'grel pa byas zhes grag go /
slob dpon dbyig gnyen gyi slob ma phar phyin rang bas mkhas pa 'phags pa rnam grol sde ni / gtsug lag khang rgya chen po du ma'i bdag po / ÔËgas pa ku ru ku lu ba la'i sde pa / slob [C:163]dpon sangs rgyas 'bangs kyi dbon po / sa rab tu dga' ba thob pa des / sangs rgyas la mngon sum du nyan nas / sher phyin gyi don ston pa mngon rtogs rgyan gyi 'grel pa / nyi khri lnga stong pa dang sbyar ba nyi khri snang ba zhes bya ba mdzad do / /
btsun pa rnam grol sdes nyi khri rnam 'grel mdzad do / /
de'ang 'phags pa grol lde'i slob mar kha cig 'dod do / /
khyad par du slob dpon seng ge bzang po'i lo rgyus ni / sngon shar phyogs seng ldeng gi nags zhes bya ba na / sdong po chen po zhig la shing gi lha zhig yod pa las yul de'i phyugs rdzi zhig dus las 'das te / de'i chung gzugs byad bzang mo zhig yod pa phyugs 'tshor song ba dang / shing gi lha des 'dod pa sbyad pas / sras khyad par can zhig 'khrungs te / gau p'a la zhes btags so / /
de la phas nor bu rin po che byin pas de'i yon tan gyis sa thams cad la kha lo sgyur ba zhig byung ste / des na len dra brtsigs so / /
de'i btsun mo dbang chung ba zhig gis / rgyal po dbang du bya ba'i phyir slob dpon bram ze zhig la rig pa zhus pas des ri bo gangs can las sman blangs te / rgya btab ste bran mo la bskur bas / de stegs 'dred pa la lhung bas chus khyer te / rim gyis rgya mtshor zhugs pa dang / klu'i rgyal pos blangs te zos pas klu'i rgyal po rgya mtsho skyong dbang du gyur nas / btsun mo dang phrad spa sras