[A:129a]zhig byas te / lha rnams kyis spyad de / nub nas 'dzam bu'i gling du ma phyin no / /
de nas lha'i dbang po brgya byin gyis / sgra'i bstan bcos shig mdzad de / indra by'a ka ra Na zhes grags pa de drang srong phur bus legs par shes nas lha'i bu rnams la bstan pas / lha'i bla ma zhes sam sgra mkhan zhes ming du grags so / /
de nga las sgra mkhas pa med snyam du nga rgyal byed pa na / lha'i dbang pos rgya mtsho las chu bum pa gang blangs te / de las ku sha'i rtses chu thigs pa gcig blangs te / phur bu la sgra spyir rgya mtsho tsam / ngas shes pa bum chu tsam / khyod kyis shes pa 'di tsam mo zhes brjod pas / phur bu yi mug ste / sgra ye mi slob par sems pa la / dbang pos 'on kyang ji ltar shes pa slobs shig ces bsgo pas bka' ma bcag par dus bzang bzhi [B:116a]la mi slob gzhan la slob par khas blangs pas / bram ze rnams ding sang yang / tshes [C:170]brgyad slob dpon nges par 'joms / /
bcu bzhi la ni slob ma 'joms / /
gnam stong la ni rig pa 'joms / /
tshes gcig la ni thams cad 'joms / /
zer nas dus bzangs bzhi srung ba yang de yin no / /
bstan bcos de 'dzam bu'i gling du'ang phyin te dar bar gyur to / /
de nas de nub pa dang bram ze p'a Ni ni byung ste / sgra bslab par 'dod nas / lag ris mkhan la bstan pas sgra mi shes par 'dug zer ba dang / mtshon rnon pos lag ris bris te / slob dpon 'tshol du song bas ma rnyed do / /
de nas ma h'a de ba bsgrubs pas zhal bstan nas / ci 'dod zer ba la sgra shes par 'tshal lo / /
zhes smras pas / lhas byin gyis