[A:133a]lag pa'i gru mo man chad khrag gis bskus pa zhig 'byung ngo / /
de dang dus mnyam du blon po lnga brgya la bu lag pa'i mkhrig ma man chad khrag can du byas pa lnga brgya btsa'o / /
de dag dang dus mnyam du / rgyal po de la rte'u smra shes pa zhig kyang 'byung ste de'i nub mo nam mkha' la khrag gi char 'bab bo / /
rgyal pos drang srong lnga mngon par shes pa can zhig la de dag gis mtshan ltas dris pas / drang srong gis rgyal po khyod kyi bus 'dzam bu'i gling gi sa gzhi la khrag gis gsher bar byas te / de'i 'og tu 'dzam bu'i gling gi rgyal po byed par 'gyur ro / /
zhes lung bstan no / /
de nas / rgyal bu btsas nas lo bcu gnyis lon pa dang / sngar [C:175]gyi rgyal po ya ba [B:119b]na la sogs pa gsum 'dus pa'i dmag sum 'bum rgyal po dang chas te / rgyal po ma he ndra se na'i yul du drangs pa dang / dmag byung bas rgyal po mi dga' ste mya ngan byed cing 'dug pa la / bu du pra sa has / yab la 'di lta bu'i thugs mi dgyes pa ci las gyur / ces dris pa dang / pha na re / rgyal po gsum gyi dmag byung bas mi dga'o / /
zhes smras pa dang / bus / yab mi dgyes su ma mdzad cig /
dmag 'di dag bdag gis thub par bgyi'o / /
zhes smras pa dang / pha na re legs so zhes zer nas / de nas rgyal bu de blon po'i bu ya mtshan can lnga brgya la sogs pa dmag nyis 'bum dang chas nas / 'thab mo byas pa'i tshe / smin mtshams nas lcags kyi sme ba bskyed nas / lus ri la gyis lcags su byas te / rab tu khros nas brgal ba dang / du pra sa ha'i dmag rgyal te phyir log pa dang / pha na re / bu khyod kyis / rgyal po