[A:134b]mchog tsam yang ma nyams na / de skad ma zer bar 'dul ba shud ces smras pa dang / mkhan po slob ma can gyis / dgra bcom pa yin par shes nas / rab tu gnong ste cang mi smra bar 'dug go /
de nas slob ma can gyi slob ma dge slong dpung rgyan zhes bya ba stan las langs te / dgra bcom pa la / khyod khrims kyang med 'dul ba yang mi shes par nga'i mkhan po sde snod gsum la mkhas pa la ci'i phyir brnyas zhes khros nas / dgra bcom pa brdegs te bsad do / /
de nas dam pa'i chos la dga' ba'i gnod sbyin zho gdong zhes bya bas rdo rje thogs te / mngon du byung nas dge slong dpung rgyan can la ci'i phyir dgra bcom pa gsod ces zer nas rdo rjes brdegs te bsad do / /
dge slong ge rad ces bya bas slob ma can bsad do / /
zhes 'byung ngo / /
de nas dge slong thams cad phan tshun gcig gis gcig bsad de / gcig kyang ma lus so / /
de'i tshe nam mkha' la lha klu la sogs pa chos kyi srung ma phal po che mi dga' nas / ngus pa'i mchi ma ni khrag dang me'i char dus gzhi der 'bab bo / /
nam mkha'ang ser po dang / nag po dang / dmar por gyur / [C:177]glog dang sgra chen po yang 'byung / skar ma dhu ma ke tu zhes bya ba'i lus las du ba nag po zhig byung ste / nyi zla la sogs pa'i 'od kyang mi snang ngo / /
de'i tshe sum cu rtsa gsum gyi lha dang / yum sgyu 'phrul chen mo la sogs pa 'ongs nas / mya ngan byed cing / dge 'dun gyi gos tshon can thams cad bsdus te sum cu rtsa gsum du khyer ro / /
de nas rgyal pos 'di lta bu'i ca co [B:121a]chen po ci las byung zhes dris pas dge 'dun 'khrugs nas gcig gis gcig bsad par gyur to / /
zhes gsol ba dang / rgyal po ma