[A:135a]dga' nas langs te / tho rangs phyi rol gyi lha khang du bltar phyin pa dang / dge 'dun la la ni mgo bcad / la la ni rkang lag bcad / kha cig ni mig phyung ste / sna tshogs su shi ba mthong nas / mya ngan langs te / dgra bcom pa dang sde snod gsum pa slob ma can gyi pur btsal te / mchan khung g.yas g.yon du bcug nas / dgra bcom pa ni nga'i ma yin / sde snod gsum pa ni chos kyi mdzod yin te / 'di gnyis 'das pas / da phyin chad nga'i srog kyang gces pa med do / /
rgyal srid kyang su 'dod pa la sbyin no / /
zhes smras nas mig kyang btsums te mi blta bar gyur to / /
de nas blon po rnams kyis rgyal po'i mya ngan bsang pa'i phyir / mi lnga brgyar rab tu byung bar bcos te / skra dang kha spu breg tu / spu gris ma chod nas / mes bsregs te / phyugs nag po dang / dmar po'i ko ba bskon te / rgyal po'i drung du 'ongs nas rab tu byung ba lnga brgya 'ongs so / /
zhes gsol ba dang / rgyal po dga' nas mig phye ste bltas pas / thams cad phyugs kyi ko ba gyon zhing / skra dang kha spu mes bsregs pa mthong nas / dkon mchog gsum la mchod pa'i yo byad khyer la shug ces bsgo nas / de rnams la mchod do / /
de nas rgyal pos de dag la chos dris pas / chos tshig gcig kyang mi shes nas / rgyal po yang mya ngan langs te ngu'o / /
de nas dge slong rnams kyi ro thams cad bsdus te / bsregs nas mchod pa byed do / /
de'i tshe 'dzam bu gling gi dam chos ril nub bo / /
de nas gser ni dngul ngan pa dang rdor 'gyur / dngul ni ra gan ngan pa dang rdor 'gyur ro / /
ra gan ni zangs su 'gyur / mu tig ni rwa ru 'gyur / ro drug las