[A:135b]kha ba dang skyur ba gnyis lus so / /
zhes 'byung ngo / /
dge 'dun 'phel gyis lung bstan pa la sogs las / [B:121b]sku lugs ma la sogs pa ni klu'i yul du spyan 'dren no / /
yi ge thams cad rang byi bar 'gyur ro / /
gos thams cad rtsub mor 'gyur / ro kha ba dang bska ba ma gtogs pa dang / rin po che thams cad nub par 'gyur la / rgyal po de'ang bstan pa nub pa'i mya ngan gyis 'chi bar 'gyur ro zhes bshad do / /
de dag kyang bstan pa lo [C:178]nyis stong gi dbang du byas nas gsungs la / mngon rtogs rgyan gyi 'grel bshad chos kyi bshes gnyen gyis mdzad par / de dag sngar byung zin par bshad par gsal lo / /
spyir bstan pa nub pa'i rgyu / sangs rgyas kyi smon lam gyi 'phen pa zad pa dang / bstan pa'i gdul bya zad pa yin la / rkyen ni / mdo dag las / dge sbyong rnams rang gi lta spyod las nyams pa dang / sbyin bdag rnams bstan pa la dad pa bri ba dang / bdud dang bdud kyi ris kyi lha dang yi dwags kyis bar chad byas pa gsum gyis nub par 'gyur bar gsungs pa la / ston pa 'di'i bstan pa 'jig pa'i rkyen dang po gnyis su gsal lo gsung ngo / /
nub dus / tshe lo bzhi bcu pa'i dus su nub par gdags pa las bshad zer ro / /
chag na re / sum cu pa'i dus su zer te / shes byed ma mthong ngo / /
snying rje pad dkar las / de bzhin gshegs pa sh'akya thub pa'i dam pa'i chos nub pa'i rjes la / sku gdung rnams 'og tu gser gyi sa gzhi'i mthar thug par 'gro zhing / nam mi mjed kyi 'jig rten du rin po ches phongs pa'i tshe / sku gdung de dag nor bu bai D'urya tog gi blo gros zhes bya bar gyur nas / dbul ba sel ba dang / de nas yang sku gdung de dag