[A:144a]rab kyi bar du sbyar nas / ston pa 'das nas ring zhig tu / lta ba la mi mthun pa ma mchis / slad nas dbu ma rnam gsum ma mthun te / ston mun cig car du 'jug pa mchis te ma 'tshal ma rtogs pas de ltar gyur / 'jug sgo tha dad kyang sangs rgyas par gcig cing 'bras bu'ang gcig smras pa dang / ye shes dbang pos cig car 'jug bya ba dang / rim gyis 'jug bya ba gnyis dpyid dgos te / rim gyis 'jug na rgyu ma mchis pas nged dang mi 'dra cig car 'jug na khyed da rung ci byed / dang po nas sangs [B:129b]rgyas na ci nyes / de bas na ri la 'dzeg pa'ang gom pa re res 'dzag dgos te / gom pa gcig gis bgrod mi nus pa ltar / sa dang po thob pa'ang dka' na / thams cad mkhyen pa lta ci smos / nged tsen min gyi lugs kyis / gsung rab kun la shes rab gsum gyis sbyangs pas / don ma nor bar shes / chos spyod bcu la bslabs te bsgoms pas bzod pa thob / sa dang por skyon med pa la zhugs [C:190]te / sa bcu rim gyis sbyangs pas tshogs gnyis rdzogs nas 'tshang rgya ba yin / khyed ltar na / tshogs ma rdzogs / blo ma sbyangs par / 'jig rten gyi bya ba yang mi shes na / shes bya thams cad shes par ji ltar 'gyur / ci yang ma byas par nyal bas zan yang mi myong ste ltogs te 'chi na / sangs rgyas ga la 'grub / ma brtags ma dpyad par gom pa bor yang brdeg 'chos na / chos ga la rtogs zhes bya ba la sogs pa rgyas par smras pas / ston mun pas lan smra bar ma nus te / me tog phreng ba slob dpon la phul te / pham