[A:147b]lha lung dpal gyi rdo rje ba dge slong gsum / klong thang du 'dug pa mthong bas / btsal te / [B:132b]dpal gyi rdo rje dang mjal nas zhus pas / ngas rgyal po bsad pas / kha skong mi 'ong gis / ngas btsal gyi / gsungs te / rgya nag hwa shang ke bang dang / gyi ban bya ba gnyis btsal te btang ngo / /
de nas dge tshul lo gcig lon te / sngar gyi mkhan slob kyis / mkhan slob byas / smar gyis gsang ston byas / rgya'i dge slong gnyis kyis kha skong byas te / lnga'i tshogs kyis bsnyen rdzogs byas so / /
de nas lo lnga lon pa dang / dbus nas klag pa lam pa klu mes tshul khrims shes rab 'bring ye shes yon tan / rag shi tshul khrims 'byung gnas / rba tshul khrims blo gros / sum pa ye shes blo dang lnga / gtsang nas 'gur mo rab kha ba lo ston rdo rje dbang phyug /
shab sgo lnga'i tshong btsun shes rab seng ge / mnga' ris pa 'o brgyad spun gnyis / bo dong ba u pa de dkar dang lnga ste / mi bcu 'das nas gtsang la bka' drin zhus pas / nga rgas nas mkhan bu mi skyongs bas / bla chen po zhus gsungs pas zhus pas / ngas bsnyen rdzogs byas nas lo lnga las ma lon pas mkhan po mi btub gsung ba la / gtsang na re / dmigs bsal la btub pas gyis gsungs nas / bla chen pos mkhan po byas / gtsang dang g.yos / las slob dang gsang ston byas / smar dang hwa shang gis kha skong byas te / thams cad chig rdzogs byas so / /
de nas bla chen gyi zhal nas / lo ston mthu che bas bstan srung gyis / klu mes btsun pas mkhan po gyis / tshong dge blo rno bas ston pa gyis / 'bring bskos mkhas pas gnas