[A:154b]pas slob ma pa tshab kyi bu bzhi la sogs pa byung ngo / /
'brog mi sh'akya ye shes kyis kyang / paNDi ta ga ya ngha ra spyan drangs te / gser srang lnga brgya phul te / kye rdo rje gur / saM pu Ti dang / ra li dang / a ra li bzhi la sogs pa ma rgyud kyi sgrub skor man ngag dang bcas pa bsgyur ro /
'gos khug pa lhas btsas kyis rgya gar du lan gsum byon / paNDi ta grub pa brnyes pa bdun cu don gnyis la chos zhu / khyad par du zhi ba bzang po dang / sgra gcan 'dzin bzang po la sogs pa bsten cing gsang 'dus 'phags skor / bde mchog rdo rje mkha' 'gro / gdan bzhi / ma h'a m'a y'a / kye rdo rje'i rgyud gsum la sogs pa bsgyur ro / /
gyi co zla ba'i 'od zer gyis kyang dus 'khor / sangs rgyas thod pa / rdo rje bdud rtsi / bde mchog la sogs pa bsgyur / lho brag mar pa chos kyi blo gros kyis kyang / rgya gar du lan gsum du byon / bla ma na ro / mai tri / zhi ba bzang po / pham thing pa la sogs pa bsten nas / gsang 'dus / bde mchog /
kyi rdo rje / ma h'a m'a y'a / gdan bzhi la sogs pa'i man ngag mang po zhus te / sgrub rgyad kyi slob ma shin tu dar ro / /
[B:139a]zangs dkar 'phags pa shes rab kyis kyang / paNDi ta kha che dgon pa ba dang / te dza de ba dang / pa ra hi ta bha dra la sogs bsten nas / yo ga dang / gtsug tor dang / phyagn rdo rje 'gro bzangs gi skor dang / rnam thos sras dang / spyod 'jug gi 'grel chen dang / bde mchog gi skor la sogs pa bsgyur ro / /
gnyan dar ma grags kyis rgya gar du lo bcu gnyis bzhugs te / paNDi ta ma ti bsten / paNDi ta su Nye shr'i gdan drangs te / spyod 'jug gi 'grel chen dang / sgrol ma dang / chos skyong la