[A:17b]tshul gsum gyi sgron me las / don gcig na'ang marmongs dang / /
thabs mang dka' ba med pa dang / /
dbang po rnon po'i dbang byas pas / /
sngags kyi theg pa khyad par 'phags / zhes pas phyi'i thabs smad nas / nang ting nge 'dzin gyi phyin drug sgrub pas thabs la ma rmongs pa dang / shin tu phra ba sems sems byung dang phra ba ngag ye ge dang / rags pa ÖÞÆãÉïdang brten pa'i dkyil 'khor bsgom pa thugs gsung sku'i ting nge 'dzin dang / yang dag pa'i don ston pas thabs mang ba dang / gdul bya gang 'dod la sbyar nas 'dod don thob par mdzad pa thabs sla ba phyag rgya la sogs pa ston pas dka' ba med pa dang / dbang po rnon po yi bsgrub par bya ba dang / gzhan gyis byas na ngan 'gror 'gro ba'i las kyis kyang rnam par dag par 'gyur ba bzhis khyad par 'phags la / de'ang / 'arya de ÑÚïrigs 'dzin pa'i sde snod ces sde snod bzhi par gsungs la / slob dpon sh'anti pas zab mo'i don bsdus te ston pas na mdo sde yin no gsung / slob dpon a bha y'a ka ra gubta ni bslab pa gsum ga ston pas sde snod gsum ga'o zhes bzhed do / /
IIDca1c2f3. drug pa bdag rkyen gyi sgo nas dbye ba la gsum ste / a4. zhal nas gsungs pa / b4. byin gyis brlabs pa / c4. rjes su gnang ba'i bka'o / /
IIDca1c2f3a4. dang po ni / [B:16a]'phags pa sdud pa lta bu'o / /
IIDca1c2f3b4. gnyis pa la gsum ste / sku dang gsung dang thugs kyis byin gyis brlabs pa gsum du brgyad stong 'grel par bshad do / /
dang po ni / sa bcu pa'i mdo lda bu'o / /
gnyis pa ni / ma skyes dgra'i 'gyod pa bsal ba'i mdo lta bu'o / /
gsum pa ni / kun tu bzang po'i spyod pa ston pa'i mdo lta bu'o / /
mkhas pa 'ga' zhig thugs kyis byin gyis