[A:19a]pa'i bstan bcos gsum mo / /
dang po 'dul ba'i mdo lta bu / gnyis pa mngon rtogs rgyan lta bu / gsum pa mdo sde rgyan nam bslab btus lta [B:17a]bu'o / /
IIDcb1c2c3. gsum pa la gsum ste / a4. shes bya ji snyed pa ston pa dang / b4. ji lta ba ston pa dang / c4. thar pa dang thams cad mkhyen pa ston pa dang gsum mo / /
IIDcb1c2c3a4. dang po la phal ba dang / khyad par can gnyis las / dang po ni / 'jig rten lugs kyi bstan bcos dang brtag pa bco brgyad la sogs pa ste / shes rab brgya pa dang / skye bo gso thigs dang / tshigs su bcad pa'i mdzod la sogs pa ste / de dag kyang mngon mtho'i rgyu yin zhing / thar pa'i rten du 'gro srid de / mi yi chos lugs legs spyad na / /
lta yul bgrod pa thag mi ring / /
lha dang mi yi them skas la / /
'dzegs na thar pa gam na 'dug ces shes rab brgya par 'byung bas so / /
de'i phyogs mthun mi brtag pa rta brtag pa / glang po brtag pa la sogs pa rnams so / gnyis pa ni / gtso bo rig pa'i gnas kyi bstan bcos te / mdo sde rgyan nas / rig pa'i gnas lnga dag la brtson par ma byas par / /
'phags mchog gis kyang thams cad mkhyen pa thob mi 'gyur / /
de lta bas na gzhan dag tshar bcad rjes gzung dang / /
bdag nyid kun zhes bya ba phyir de la de brtson byed / ces pas gzhan tshar gcod pa gtan tshigs rig pa dang sgra rig pa gnyis / rjes su 'dzin pa gso ba rig pa dang bzo rig pa gnyis / bdag nyid kun shes par byed pa nang rig pa'o / /
gtan tshigs rig pa la mngon sum rang don rjes dpag gzhan don rjes dpag gzhan sel dpe ltag chod