[A:24a]yod pa dang sems med dang / /
thos dang bsam dang sgom ldan dang / /
de bzhin theg pa gsum ldan dang / /
phung por bcas dang phung med gzhan / zhes so / /
bcu bdun po de yang rten dang dpyod pa dang 'bras bu gsum gyi dbang du mdzad nas bstan la / de la'ang gsum ste / rnam shes lnga ldan gyi sa dang yid kyi sa [B:21b]gnyis rten gyi rang bzhin no / /
rtog bcas dpyod bcas dang / rtog med dpyod bcas dang / rtag [C:31]med dpyod med kyi sa ste / gsum rten gyi 'jug tshul lo / /
mnyam par bzhag ma bzhag dang / sems yod med kyi sa ste bzhi rten gyi gnas skabs so / /
spyod pa'i dbang du byas pa thos bsam sgom gsum gyi sa gsum mo / /
'bras bu la gnas skabs kyi 'bras bu nyan sa byang sa rang sa gsum / mthar thug gi 'bras bu phung po lhag bcas lhag med do / /
de'i 'grel pa lta bu rnam par gtan la dbab par bsdu ba ste / sa'i dngos gzhi'i tshig don gnyis ka mu bzhi la sogs par gtan la dbab par bstan la / rang sangs rgyas kyi sa ma gtogs pa la bsdu ba gtan la dbab pa yod do / /
de gnyis kyis gsung rab rnams kyi don bstan no / /
gzhi bsdu ba ni sngar gyi gzhung de dag sde snod gsum du sdud tshul te / 'di'i mdor bstan du sde snod gsum ga bsdu ba smos nas rgyas bshad du mdo sde dang 'dul ba bsdu ba gnyis las ma bshad pa ni / ma mo bsdu ba sa sde lnga po nyid yin pas logs su ma bshad de / thos pa'i sa gtan la dbab pa bsdu bar / de la ma mo bsdu ba ni sa bcu bdun dang bsdu ba bzhi'o / /
zhes 'byung bas so / /
rnam grangs bsdu ba ni / rdzod byed ming gi rnam grangs bstan pa'am / kun nas nyon mongs dang rnam byang gi rnam grangs bye brag tu