[A:24b]'chad pa'o / /
de gnyis gzhung ngo / /
rnam par bshad pa'i sgo bsdu ba ni de dag 'chad tshul ston pa ste / de ltar gsung rab kyi don dang gzhung dang bshad tshul gyi dbang gis sa sde lnga'o / /
sdom rnam pa gnyis kyi theg pa thun mong gi sdom mngon pa kun las btus ni mtshan nyid kun las btus pa dang bden pa rnam nges / chos rnam nges / thob pa rnam nges / 'bel gtam rnam nges te lngar bsdus nas ston pa'o / /
theg pa chen po'i sdom theg chen bsdus pa ni / shes bya'i gnas la sogs pa don bcus theg chen bsdus nas ston pa'o / /
dbyig gnyen [B:22a]gyi rab tu byed pa ste brgyad ni / chos thams cad sems tsam du ston pa sum cu pa / de rigs pas sgrub pa nyi shu pa / de'i gzhi phung po lnga 'thad par ston pa phung po lnga pa / de ltar yin yang bshad nyan 'thad par ston pa rnam bshad rigs pa / sgo gsum gyi las 'thad par ston pa las grub pa'i rab tu byed pa ste rang rgyud du brtsams pa lnga / phyin drug sogs spyod pa rgya chen dang / rten 'brel bcu gnyis dang / mtshan nyid gsum 'thad par ston pa mdo sde rgyan / rten 'brel gyi mdo / /
dbus dang mtha' rnam 'byed gsum gyi 'grel pa ste / gzhan 'grel du brtsams pa gsum ste brgyad do / /
zhes gsungs so / /
[C:32]kha cig slob dpon 'dis sa bcu pa'i 'grel pa la sogs pa mang du mdzad pas / sde brgyad nges pa med cing / byams pa dang 'brel ba'i chos nyi shu'i grangs nges med zer ro / grangs nges mdzad pa rnams ni sa sde lnga sdom gnyis byams chos lnga / rab tu byed pa sde brgyad de de dag la 'dod do / /
gnyis pa ni / sdom pa nyi shu pa la sogs pa'o / /
IIDcb1c2e3. lnga pa ni / bstan bcos kyi rigs bsdu na bka' la mi brten pa