[A:25a]dang / brten pa gnyis / brten pa la bka' nyid la 'gral par btab pa dang bka'i don rang rgyud du brtsams pa gnyis / dang po la'ang tshig don gnyis ka rgya char 'grel pa so so thar pa'i 'grel pa / bam po lnga bcu pa lta bu rgya cher 'grel / tshig gi cha spros pa dang bcas nas 'chad pa ched du brjod pa'i tshoms kyi 'grel pa lta bu tshig gi 'grel pa / go dka' ba'i don rnam par 'byed pa sdud 'grel gnyis lta bu dka' 'grel / don gyi gtso bo bsdus nas ston pa sdud pa'i don bsdus dri med bshes gnyen gyis mdzad pa lta bu bsdus don gyi 'grel pa / ngag gi don gril nas ston pa ngag don tsam gyi 'grel pa ste lnga'o / /
gnyis pa la bka' gcig gi don rdzogs par [B:22b]ston pa dang / thor bur ston pa dang / bka' mang po'i don ston pa gsum mo / /
dang po ni / mngon rtogs rgyan nam mdo rtsa lta bu'o / /
gnyis pa ni / dge tshul gyi k'a ri k'a lta bu'o / /
gsum pa ni / bslab btus sam / bshes 'phrin la sogs pa'o / /
spyir 'grel pa la 'grel pa dang bshad pa dang rnam par bshad pa dang / bshad sbyar dang / don bsdus dang / dka' 'grel dang / rgya cher 'grel dang / legs par sbyar ba dang / rnam par phye ba la sogs pa ming mang po 'byung ngo / /
de ltar bstan bcos kyi dbye ba ni blo gros 'phel bar bya ba'i phyir / bstan bcos tsam gyi dbye ba yin la / lngar gyi mtshan nyid dang nges tshig ni / bstan bcos khyad par can gyi yin pas 'gal bar mi bsam mo / /
III. gsum pa la bzhi ste / A. bshad bya chos kyi khyad par / B. slob dpon gyi 'chad tshul gyi khyad par / C. slob mas mnyan tshul gyi khyad par / D. gnyis kas chos kyi don bsgrub par gad mas