[A:26b]sangs rgyas kyi bstan par bshad do / /
de lta bu'i bstan pa bka' 'am bstan bcos khyad par can de yang tshig dang don gyis gnyis su dus te / mdo sde rgyan nas / ji ltar bsnams na rab dku la / /
myangs na zhim pa'i sman bzhin du / /
chos kyang de bzhin gnyis su gnas / /
don dang yi ger shes par bya / /
zhes gsungs so / /
don phun sum tshogs pa tshangs spyod yon tan bzhi ldan la sogs pa'o / /
yi ge phun sum tshogs pa ni mdo sde rgyan nas / bstan dang de bzhin bshad pa dang / /
theg dang mthun dang bde ba dang / /
grags pa dang ni ci rigs dang / /
nges par 'byung dang mthun pa'i phyir / /
de mdor sems dpa' mchog rnams kyi / /
yi ge phun tshogs yin zhes bya zhes so / /
rnam par bshad pa bsdu ba las kyang / mdo sde'i lus ni rnam pa gnyis te / tshig 'bru dang don to zhes so / /
de la tshig 'bru ni gnas yin la / don ni de la gnas pa yin par rig par bya'o / /
de gnyis kas bsdus pa ni shes par bya ba yin no / /
zhes pa dang / chos mchog chung ngur yang / rab tu byed pa'i lus ni rnam pa gnyis te / sgra dang don to / /
zhes so / /
des na bshad bya'i chos ni sangs rgyas kyis gsungs / sdud pa pos bsdus / mkhas grub rnams kyis bkral / lo paN skyes [B:24a]mchog rnams kyis bsgyur / bla ma brgyud pa'i [C:35]man ngag dang lung dang ldan pa'i rgyud sde'am / mdo sde bka' 'am bstan bcos mdo sde mngon pa 'dul ba'i sde snod gang yin pa 'di dang 'di 'chad ces bya'o / /
IIIB. gnyis pa la / a. gang gis 'chad pa slob dpon gyi mtshan nyid / /
b. gang la brten nas bshad pa'i thabs / c. ji ltar bshad pa'i tshul dang gsum mo / /
IIIBa. dang po la / gzhung so sor slob dpon gyi mtshan nyid mi 'dra ba du ma