[A:31a]ming mang po dang ming gcig don mang po la 'jug pa dang / sgra'i zur gcig la drangs te 'chad pa dang / yi ge bsgyur nas 'chad pa dang / dgag pa'i sgra khong nas phyung ste / tshig bsgyur nas 'chad pa la sogs pa'o / /
yang rnam bshad rigs par / rnam pa bzhi dag gis tshig gi don rig par bya ste / rnam grangs kyis dang / mtshan nyid kyis dang / nges pa'i tshig gis dang / rab tu dbye bas so / /
de la rnam grangs ni ming gzhan no / /
mtshan nyid ni don gang la ming de yod pa'i 'o / /
nges pa'i tshig ni ming gi rgyu mtshan brjod pa'o / /
zhes pa ltar ro / /
kha cig nges tshig sgra'i bshad pa min par 'dod pa mi 'thad de / a pra shi kha la sogs pa sgra'i bshad par gnas brgyad du bshad pas so / /
mtshams sbyar ni / don snga phyi 'brel ba dang / go rims snga phyi'brel ba'i mtshams sbyor bas tshig don gyi rims mi 'gal bar shes so / /
[B:28a]rigs pa dang mi 'gal ba dang snga phyi mi 'gal ba ni brgal lan las shes pas / sgra la brgal ba dang don la rgol ba'i rgol ba bkod nas de'i don lan gyis nges par byas te 'chad pa'o / /
IIIBc. gsum pa ni / a1. gdul bya'i dbang gis dang / b1. dgos pa'i dbang gis dang / c1. 'jug pa'i dbang gis bshad pa'o / /
IIIBca1. dang po la / dbang po rno 'bring brtul gsum la bsdus 'bring rgyas par 'chad pa ste / mdo rgyas [C:41]'bring bsdus gsum gsungs pa bzhin dang / rigs kyi bye brag gis theg pa che chung gi chos dang / don gnyer gyi bye brag gis bshad bya ci rigs par ston pa'o / /
ting nge 'dzin rgyal por / chos kyi sbyin pa'i ched kyi phyir / /
de dag khyod la gsol