[A:34b]don gnyer blo ldan pa / nyan po snod ces bya bar brjod / /
ces pas / a3. rtogs par nus pa'i blo gros dang / b3. don du gnyer ba'i 'dun pa dang / c3. nga rgyal med pa'i gus pa'o / /
IIICaa1b2a3. dang po ni / thos pa nyon mongs kyi gnyen por 'gro zhing / thar pa'i rgyur 'gro ba la / don rtogs dgos te / dbyig gnyen gyis / rgyu gsum dag gis pags pa las su rung bar 'gyur te / snum bsku ba dang / mnye ba dang / bsro ba rnams kyis so / /
de bzhin du sems kyang thos [B:31a]pa dang bsam pa dang sgom pa rnams kyis so / /
de lta bas na sems las su rung ba nyid du bya ba'i phyir thos pa la sogs pa dag la brtson 'grus bya'o / /
gsum po de dag gi stobs kyis lam du 'gro ba rnams 'brog dgon pa'i lam las bde bar brgal bar 'gyur te / lam brgyags kyi stobs dang / bzhon pa'i stabs dang / ston pa po'i stobs kyis so / /
de bzhin du 'khor ba'i 'brog dgon pa'i lam las bde ba'i lam du 'gro ba rnams sbyin pa dang tshul khrims dang ye shes kyi stobs so / /
'dir gsum char yang thos pa la rag lus so / /
zhes so / /
IIICaa1b2b3. gnyis pa ni / mdo las bcu po 'di dag ni byang chub sems dpa'i chos yongs su tshol ba ste / bcu gang zhe na / g.yo dang sgyu med par bsam pa thag pas chos yongs su tshol ba dang zhes sogs so / /
IIICaa1b2c3. gsum pa ni / 'grel chen du / lhag pa'i bsam pas mnyan par bya zhes bya ba ni / thod la sogs pa bor la / stan dma' ba la 'dug ste / rnam par g.yeng ba'i nyes pa bsal te / thar pa 'dod pa'i bsam pas dam pa'i chos mnyan par bya'o / /
zhes so / /
IIICab1. gnyis pa ni / de lta bu'i mtshan nyid ma tshang yang don go bar nus pa mnyan na phan yon