[A:35a]chen po [C:46]yod de / rnam bshad rigs par / rgyu bsags pa rnams ni cung zad mnyan pas bsod nams chen po dang ldan par 'gyur te / dper na 'phags pa sh'a ri'i bus bsnyen par rdzogs par bya ba la rjes su bstan pa bram ze zhig gis thos nas / gab ste 'dug nas / rab tu byung pa tshul khrims nyams pa la sdug bsngal rnam pa bcu gnyis 'byung ngo / /
zhes thos nas 'chal ba'i tshul khrims bya ba la mngon du phyogs pa las log pa lta bu'o / /
zhes gsungs so / /
gzhan yang dge 'dun bsrungs kyis chos bstan pa la drang srong rnams kyis phag nyan byas pas 'bras bu thob pa yin no / /
IIICac1. gsum pa ni / don mi go yang chos la dad nas mnyan na bsod [B:31b]nams che ste / ji skad du / brda mi phrad pas kyang sangs rgyas kyi gsung gus pas mnyan par bya ste / 'di ltar dad pa tsam gyis kyang nyan na bsod nams chen po nyid dang ldan pa dang / shes rab kyi khams rtas par 'gyur na don rtogs pas lta smos kyang ci dgos te / ba lang rdzi dga' bos sbal ba 'khar bas mnan pa'i rtogs pa brjod pa dper bya'o / /
zhes pa dang / chos dga' chu srin du gyur pa na sangs rgyas kyi sgra tsam zhig thos pa las sngon phyag 'tshal tsam la goms pa'i phyir / kha btsums te 'dug pa yin no / /
de lta bas na cung zad cig thos pas kyang rgyu bsags pa rnams kyis dge ba rab tu rgyas pa'i phyir sangs rgyas kyi gsung mnyan pa la 'bad pa dang ldan par bya'o / /
zhes so / /
IIICb. gnyis pa ni / byang chub sems dpa'i sde snod las / /
gang gis sems can dag 'gyur ba'i / /
rgyu gnyis dang ni rkyen gnyis te / /
gzhan la rjes su mthun