[A:3a]gnas yid ches gnas su su zhig len / /
len pa med kyang dam chos bdud rtsi yis / /
rang gi yid kyi zug rngu cis mi sel / /
gal te 'ga' zhig len na de dag gi /
gdung ba'i rims nad 'joms par mi 'gyur ram / /
de phyir rang blo'i dbul ba bsal ba dang / /
chos ldan don gnyer skye bo rnams la yang / /
rgya chen chos kyi dga' ston spel slad du / /
gsung rab rin chen mdzod kyi sgo dbye'o / /
'di nas theg pa che chung sna tshogs kyi / /
dgongs pa nor bu mchog dman sna tshogs 'byung / /
de dag khyed la gegs med byin zin gyis / /
dga' ba'i yid kyis ci 'dod blang bar gyis / /
[C:3]'dir bdag cag [B:3a]gi bla ma sh'akya'i rgyal po rdzu 'phrul gyi rkang pa'i dpung tshogs yan lag bzhi dang ldan pas / /
chu srin rgyal mtshan can gyi g.yul ngo pham par mdzad nas / bsdu ba bzhis gdul bya smin grol gyi zhing du bsdus nas / chos kyi 'khor lo ma lus pa rnam pa thams cad du bskor ba'i chos kyi rgyal po chen po de'i chos srid khyad par du 'phags pa'i rgyal tshab chen po rnams kyis yang dag par legs par bskyangs pa'i srol bzang po 'di / lha dang bcas pa'i 'gro ba mtha' dag la phan pa dang bde ba'i gzhir gyur pa yin pas / de'i tshul gces par 'dzin par rigs shing / de yang bshad sgrub gnyis las gzhan pa'i thabs kyis ma yin pa'i phyir dang / sgrub pa'ang 'chad nyan sngon du 'gro ba can yin pas / 'chad nyan la 'jug pa'i tshul nges par bya'o / /
'di la bzhi ste / I. dam pa'i chos mnyan pa dang bshad pa'i phan yon rig par bya ba dang / II. gang mnyan pa dang bshad par bya ba'i chos ngos gzung ba dang / III. de la nyan bshad