[A:35b]sgra dang / /
nang du tshul bzhin lta ba'o / /
zhes gsungs pas phyi'i rkyen dge ba'i bshes gnyen bsten cing 'tsho ba'i yo byad bsags pa dang / nang gi mthun rkyen rna blags te mnyan cing / thos pa'i don bsam pa dang / mdo bstan bcos blta ba dang mkhas pa la dri bas bskyang bar bya zhing / des thos byung mthar phyin par 'gyur zhing / de nas bsam sgom la 'bad par bya'o / /
rnam bshad rigs par / rdo thal gyi rdo mes bsregs chus 'jig par byed pa dang 'dra bar nyon mongs pa'i bag la nyal gyi rdo shes rab kyi mes yongs su bsregs pas ting nge 'dzin gyi chus yongs su sbangs na 'jig go /
shes rab de'ang dam pa'i chos mnyan pa med par ni ma yin pas de lta bas na / gus pas chos mnyan par bya'o / /
tshig gi khur thogs kyang don mngon par mi shes na de'i don mi 'thob ste / khye'u'i mgul du gter gyi kha chems kyi yi ge btags pa dang 'dra'o / /
de lta bas na mang du thos pas kyang / don shes pa nyid du bya ba'i phyir mdo sde'i don mnyan pa la [B:32a]'bad pa dang ldan [C:47]par bya'o / /
me la tshe ba so sor mi rtog pa ni ma nyal zhes zer bzhin du chom po rnams kyis bcom mo / /
de bzhin du sgra tsam la brtson pa'i mang du thos pa so sor mi rtog pa yang nyon mongs pa'i dgra rnams kyis 'joms so / /
so sor rtog pa de yang don shes pa nyid med na med pas / de lta bas na / don bzung ba ni 'bad pa dang ldan par bya'o / /
de bzhin du rol mo mkhan rkun pos 'jigs nas / mi nyal bar bya ba'i phyir glu len bzhin du bcom mo zhes bya ba yang dper brjod par bya'o / /
ji ltar long ba mar me 'dzin pa ni gzhan dag la phan par 'gyur ba dang 'dra