[A:36a]bar / don mngon par mi shes pa'i thos pa 'dzin pa yang de lta bu yin pas de lta bas na don shes pa nyid du bya ba'i phyir don mnyan pa la 'bad par bya'o / /
zhes so / /
IIICc. gsum la a1. sbyor b1. dngos c1. rjes gsum gyi dang po la gsum las /
IIICca1. dang po chos bsgrub pa'i bsam pa ste / ji skad du / thos pa'i rjes 'jug sgrub pa gtso bor byed / /
ces so / /
gnyis pa gus pa'i spyod lam ste sgo gsum 'dud pa'o / /
skyes rabs su / rab tu dma' ba'i stan la 'dug /
dul ba'i dpal ni rnam par bskyed / /
dga' dang ldan pa'i mig gis blta / /
tshig gi bdud rtsi 'thung ba bzhin / /
gus pas bskyed de rtse gcig btud / /
rab tu dang la dri med yid / /
nad pas sman pa'i tshig mnyan bzhin / /
rim gro bskyed de chos nyon cig /
ces so / /
gsum pa rkyen tshogs pa dga' ba bsgom pa ste / gsang ba bsam gyis mi khyab par / 'jig rten sangs rgyas 'byung ba brgya lam ste / /
mi yi lus ni tshogs kyis rnyed pa yin / /
kye ma dad pa dang ni chos nyan pa / /
'di 'dra bskal pa brgyar yang rnyed par dka' / /
zhes pa dang / rgya che rol par / mi dang sangs rgyas 'byung rnyed dka' / /
dad pa'ang shin tu rnyed par dka' / /
mi khom brgyad sa [B:32b]pangs rnyed pad dka' / /
chos nyan pa ni gtso bo yin / /
sangs rgyas 'byung dang dal ba dang / /
dad dang chos nyan dam pa dang / /
de dag thams cad da rnyed kyis / /
bag med ma lus rnam par spongs / /
gal te bskal pa khrag khrig tu / /
chos thos mi 'gyur srid pa de / /
khyed kyis di ring rnyed zin gyi / /
bag med ma lus rnam par spongs / /
zhes pa dang / /
rnam bshad rigs par / gsung dang rna ba nyid dang ni / /
'dod