[A:36b]dang shes rab bgegs med [C:48]pa / /
lnga ni gang phyir rnyed dka' bas / /
de phyir thub pa'i gsung mnyan bya / /
zhes pa dang / lus can 'di nas shi na yang / /
dam chos dkon mchog 'phrad 'gyur ram / /
mi 'gyur rna bar thos pa dang / /
su zhig dam chos 'chad 'gyur ba / /
de ni sus kyang mi shes pas / /
de phyir khyed kyis 'bad pa yis / /
ston pa'i gsung ni mnyan par bya / /
zhes pa dang / srid pa yod na gdon mi za bar tshe thob la / /
de yang phal cher don med par ni zad par 'gyur / /
legs par gsungs pa'ang sa steng 'ga' na lan 'ga' zhig /
u dum w'a ra'i me tog bzhin du snang ba yin / /
zhes so / /
IIICcb1. gnyis pa ni / phar phyin drug ldan te / sgo gsum chos kyi phyir gtong ba dang / nyes spyod sdom zhing snod kyi skyon rnams spong ba dang / gnod pa bzod pa dang nyan pa la spro ba dang / sgra dang don la sems rtse gcig pa dang / rab rtogs pa lhag pa rnyed pa'am / 'bring sgra'i rjes su 'brang pas 'dzin skyong don la dpyod pa'o / /
tha ma la tshad med do / /
IIICcc1. gsum pa rjes la / nongs pa bzod par gsol zhing dge ba bsngos la gtang rag gi phyag bya'o / /
IIID. bzhi pa ni / de lta bu'i thos bsam lam du 'gro ba la / tshul gnas thos dang bsam ldan pa / /
sgom pa la ni rab tu sbyor / /
zhes pas tshul khrims dag pa rten du dgos te / ting nge 'dzin rgyal po las / ji snyed chos kyi rnam [B:33a]pas byang chub kyang / /
thos pas rgyags shing tshul khrims mi srung na / /
tshul khrims 'chal ba ngan 'gro de 'gro ste / /
de la thos pa mang pos bskyab mi nus / /
zhes gsungs so / /
mang thos tshul gnas kyang / bsam sgom dang 'brel dgos te / btsun