[A:39a]spyi don bzhi pa chos ji ltar byung tshul la gnyis te / A. spyir 'jig rten du chos ji ltar byung tshul / B. khyad par bod yul du ji ltar byung tshul lo / /
IVA. [C:52]dang po la / spyir byang sems tshogs sam smon lam rdzogs pa dang / sangs rgyas kyi zhing dag pa dang / 'dul bya dge ba'i rtsa ba smin pa na sangs rgyas [B:35a]'byung ba yin zhing des dam pa'i chos ston pa yin la / 'di la gsum ste / a. spyir bskal pa gang la sangs rgyas byon tshul / b. khyed par bskal pa bzang po'i sangs rgyas 'byon tshul / c. khyad par mi mjed 'jig rten du thub pa'i dbang po 'byon tshul lo / /
IVAa. dang po la / spyir bskal pa la sgron ma'i bskal pa dang mun pa'i bskal pa gnyis las sgron bskal la sangs rgyas 'byung gi mun bskal la sangs rgyas mi 'byung ngo / /
sgron bskal bskal pa bzang po la sangs rgyas stong ngam stong dang lnga / de nas mun bskal bskal pa chen po drug cu / de nas sgron bskal bskal pa snyan pa chen po la sangs rgyas khri / de nas mun bskal khri 'das pa dang / bskal pa skar ma lta bu zhes bya ba'i sgron bskal la sangs rgyas brgyad khri / de nas mun bskal sum brgya / de nas sgron bskal yon tan bkod pa la sangs rgyas brgyad khri bzhi stong 'byung bar bskal bzang nas bshad do / /
IVAb. gnyis pa la gnyis te / a1. snying rje pad ma dkar po'i