[A:39b]rjes su 'brangs te sangs rgyas stong dang lnga 'byon tshul dang / b1. gsang ba bsam gyi mi khyab pa la sogs pa'i rjes su 'brangs te sangs rgyas stong 'byon tshul lo / /
IVAba1. dang po ni / sngon byung ba 'das pa'i dus na 'jig rten gyi khams 'dir / bskal pa chen po 'dzin [C:53]pa zhes bya ba la / gling bzhi pa 'di nyid du 'khor los sgyur ba'i rgyal po rtsibs kyi mu khyud ces bya ba byung ngo / /
de la sras rgyal bu mig mi 'dzum pa la sogs pa stong dang / rgyal phran brgyad khri bzhi stong dang bcas pa mnga'o / /
de'i mdun na 'don gyi gtso bo bram ze rgya mtsho'i rdul zhes bya ba sras brgyad bcu dang / slob ma bram ze stong dang bcas pa yod do / /
de'i sras bram ze rgyamtsho'i snying po zhes bya ba mngon par rdzogs par sangs rgyas pa'i mtshan rin chen snying po zhes bya bar gyur to / /
de nas 'khor los [B:35b]bsgyur ba'i rgyal po rtsibs kyi mu khyud kyis zla ba gsum du sangs rgyas la bsnyen bkur byas so / /
de nas de'i sras rgyal bu stong gis zla ba gsum gsum bsnyen bkur byas te / lo nyis brgya lnga bcu dang zla ba gsum 'das pa dang / yab bram ze rgya mtsho'i rdul gyis lo bdun du bsnyen bkur byas / chos mnyan nas rmi lam brtags pas / rgyal po rtsibs kyi mu khyud kyis srog chags mang po za ba dang / stag la sogs pa gcan gzan gdug pa can gyis / rgyal po de yang gsod par 'gyur ba dang / blon po kha cig shing rta bde ba la zhon nas lam gol bar 'dong ba la sogs pa rmis te / sangs rgyas la zhus pas / rgyal po rgyal srid la chags shing mi dge ba spyad pas ngan song dang 'khor bar lung bstan / blon po de dag nyan rang du lung bstan / gzhan