[A:40a]mang po byang chub chen por 'gyur ro / /
zhes rmi ltas lung bstan no / /
de nas bram ze rgya mtsho'i rdul gyis rgyal po la / rgyal po chen po mir gyur pa yang rnyed par dka' / sangs rgyas 'jig rten du 'byung ba'ang rnyed par dka' / dam pa'i chos nyan pa'ang rnyed par dka' yis bla na med pa'i byang chub tu thugs skyed cig /
ces bskul bas / rgyal po na re / kho bo bla na med pa'i byang chub tu sangs rgya bar mi 'dod do / /
zhes rgyu mtshan dang bcas pa smra zhing / sems bskyed du ma 'dod pa la / bram zes lan gnyis lan gsum gyi bar du bskul bas / sangs rgyas pa'i sangs rgyas kyi zhing bzang po 'byung na bskyed do zhes khas blangs so / /
de nas sangs rgyas rin chen snying pos me long bkod pa zhes bya ba'i ting nge 'dzin la snyoms par zhugs nas sangs rgyas kyi zhing gi bkod pa bsam gyis mi khyab pa bstan nas / gang bzang ba la 'dam du bcug bas / rgyal po'ang dad de rang gi sangs rgyas kyi zhing gzung ba'i phyir khab tu zhugs nas / skye bo'i 'grul bcad de sems par byed do / /
de'i rgyal [B:36a]bu stong yang rang rang gi sangs rgyas kyi zhing gzung ba'i phyir / khang par zhugs te sems par byed do / /
de'i bar la bram ze rgya mtsho'i rdul gyis srog chags mang po dge ba rgya chen po la bkod do / /
[C:54]de ltar lo bdun 'das pa dang / rgyal po 'khor bcas lhas bskul nas langs te / sangs rgyas kyi spyan sngar rang gi sangs rgyas kyi zhing bzung zhing sems bskyed pas / rgyal po chen po bde ba can gyi 'jig rten du sangs rgyas tshe dpag med du lung bstan no / /
bu thu bo mig mi 'dzums ni tshe dpag med mya ngan las 'das nas srod la chos nub pa'i