R64: bde bar gshegs pa'i bstan pa'i gsal byed chos kyi 'byung gnas gsung rab rin po che'i mdzod/

  • Pagination (Witness A): 40b
[A:40b]tho rangs mngon par rdzogs par sangs rgyas pa'i mtshan 'od zer kun nas 'phags pa dpal brtsegs kyi rgyal po zhes pa'o / / de mya ngan las 'das pa'i rjes su bu gnyis pa ni / mthu chen thob ste rab tu brtan pa yon tan nor bu brtsegs pa'i rgyal po zhes par lung bstan no / / bu gsum pa ni 'jam dpal te / sangs rgyas kyi zhing dag pa rdul bral yang dag brtsegs su sangs rgyas kun tu gzigs su lung bstan no / / bu bzhi pa ni kun tu bzang por ro / / lnga pa ni padma dam par ro / / drug pa ni dbang sgyur dbang phyug rgyal por ro / / bdun pa ni snang ba rdul bral spos mtho dbang phyug rgyal por ro / / brgyad pa ni ye shes rdo rje rnam par bsgyings ba'i dbang phyug tu'o / / de nas bar skabs 'dir srog chags khri sangs rgyas su lung bstan nas de nas bu dgu pa mi 'khrugs par lung bstan no / / bcu pa gser gyi me tog tu'o / / bcu gcig pa rgyal po'i zla bar ro / / de bzhin du rgyal bu stong tshang bar lung bstan no / / de nas rgyal phran brgyad khri bzhi stong dang / srog chags dung phyur phrag dgu dang bye ba phrag gnyis dang / de nas rgya mtsho'i rdul gyi sras brgyad cu dang / de nas bram ze rgya mtsho'i rdul gyi slob ma bram ze stong phrag gcig dang / de nas bram ze bye ba phrag gsum lung bstan [B:36b]pas rnam par gzigs dang / gtsug tor can dang / thams cad skyob kyi bar du 'gyur ro / / de nas bram ze rig byed klog pa stong gi dang po lung bstan no / / de'i rjes la rig byed klog pa stong gi gnyis pa skar ma skyong ni bskal pa bzang po'i sangs rgyas dang po 'khor ba 'jig go / gsum pa tam bu ru ni gser thub tu lung bstan / bzhi pa kun gyis srungs ni