[A:41a]sangs rgyas 'od srungs su'o / /
lnga pa dri med 'od ni byams pa'o / /
de bzhin du dgu brgya dgu bcu go dgu'i bar du lung bstan no / /
de nas bram ze rgya mtsho'i rdul gyis rig byed klog pa stong gi tha ma la zhing zung sems skyed cig ces bsgos pas / cung zad bsam long yod do zhes zer nas / de nas rgya mtsho'i rdul gyi bsnyen bkur pa lngas / zhing bzung sems bskyed pas bskal pa bzang po'i sangs rgyas su lung bstan no / /
[C:55]de nas tha mas de bzhin gshegs pa rin chen snying po la bskal pa bzang po de la thub pa nyi ma du mchi par 'gyur / /
bka' stsal pa / thub pa nyi ma stong dang bzhi 'byung bar 'gyur ro / /
gsol pa / thub pa nyi ma stong dang bzhi po de dag gi sku tshe'i tshid dang gdul bya la sogs pa ji tsam pa de tsam du gyur cig /
smon lam btab pas / legs so gnang ste sangs rgyas gsal mdzad ces par lung bstan no / /
de nas bram ze rgya mtsho'i rdul gyis dgongs par / rgyal po chen po la sogs pa srog chags mang pos sems bskyed cing sangs rgyas kyi zhing dag pa yang bzung zin gyis / da ni bdag gis sems bskyed par bya'o snyam du dgongs te / zhing ma dag pa mi mjed kyi zhing sems can ma rungs pa mi dge ba bcu tshang bar spyod pa / mtshams med pa lnga byed pa / shin tu gdul dka' ba rnams la thugs rjes lhag par gzigs nas / smon lam chen po lnga brgya btab ste bden pa'i stobs brjod pas / sangs rgyas rin chen snying pos legs so [B:37a]gnang ste / byang chub sems dpa' rnams kyi brtson 'grus brtsams pa ni bzhi ste / sangs rgyas kyi zhing ma dag par smon pa dang zhes pa la