[A:44a]ser skya zhes bya'o / /
rigs ni rgyal rigs so / /
gdung ni go'u ta ma'o / /
'od ni 'dom gang ngo / /
yab ni zas gtsang ma zhes bya'o / /
yum ni sgyu 'phrul zhes bya'o / /
sras ni sgra gcan 'dzin zhes bya'o / /
rim gro pa ni kun dga' bo zhes bya'o / /
shes rab can rnams kyi mchog ni nye rgyal zhes bya'o / /
rdzu 'phrul can rnams kyi mchog ni pang nas skyes zhes bya'o / /
'dus pa dang po la ni dge slong stong nyis brgya lnga bcu'o / /
sku tshe'i tshad ni lo brgya'o / /
dam pa'i chos ni lo lnga brgya'i bar du gnas so / /
lo lnga brgya'i bar du ni dam pa'i chos ltar snang ngo / /
sku gdung ni rgyas par 'gyur ro / /
zhes gsungs so / /
'o na sangs rgyas mos pa 'byon pa'i dus na / mi tshe lo dpag tu med pa thub par bshad pa dang 'gal te / mi tshe lo brgyad khri bas snga bar mi 'byung bas so zhe na / bden te / de ni sangs rgyas kyi smon [C:59]lam gyi stobs yin pas bsam gyi mi khyab bo / /
yang sangs rgyas stong du nges na / brgyad [B:39b]stong par / dge slong khri bskal pa bzang po 'di la mngon par rdzogs par sangs rgya bar bshad pa dang 'gal lo zhe na / bden te / bskal pa bzang po la sangs rgyas stong du grags pas de gtso bor smos kyi gzhan ma bkag go zhes 'phags pa grol sde gsung ste / nyi khri snang bar grangs stong gi nges pa ni 'jig rten gyi khams mi mjed du bskal pa bzang po la grangs stong du grags pa'i 'di nyid kyis thabs la mkhas pas gzhan bsgrub pa dang dgag pa med par shes par bya ba'i don du yin no / /
zhes gsungs so / /
yang na 'jig rten 'di zhig pa'i rjes su 'dir chags pa la sangs rgya ba 'dir sangs rgya zhes dgongs te /