[A:44b]bskal pa 'dzin pa zhig pa'i shul du / 'dir chags pa la 'jig rten gyi khams 'dir bskal pa chen po 'dzin pa zhes 'byung ba bzhin no / /
yang na stong ngam stong dang lnga bshad pa ni / sangs rgyas mdzad pa bcu gnyis 'dir dngos su ston pa'i dbang du byas la / sangs rgyas mang po bshad pa ni de dag bskal pa bzang po'i ring la byang chub 'thob pa'am / yang na sprul pa'i dbang du byas pa ste / bram ze khye'u bla ma nas sangs rgyas su bshad pa bzhin no / /
de lta na'ang bstan pa gcig la ston pa gnyis su mi 'gyur te / sangs rgyas zhes tshul bzung nas chos mi ston pas so / /
bskal pa 'di la sngar sangs rgyas bzhi las ma song na / dus kyi 'khor lo las / bskal pa bzang po'i sangs rgyas rnam par gzigs la sogs pa sh'akya thub pa'i mthar thug pa'i de bzhin gshegs pa bdun zhes pa dang / 'jig rten na'ang 'das pa'i sangs rgyas rabs bdun zhes grags pa dang 'gal lo zhe na / skyon med de / zhing 'dir byung ba'i sangs rgyas yin zhing 'das pa'ang yin pas de tsam la dgongs par zad do / /
yang mdo tha dad nas sangs rgyas stong la mtshan mi mthun pa tog la rab gsal dang / mos pa la snang mdzad dam gsal mdzad ces [B:40a]'byung ba ni / mtshan gyi rnam grangs yin la / 'gal zhig 'gyur khyad yin pas the tshom mi bya'o / /
IVAc. gsum pa la zhing 'di la mi mjed ces zer ba ni / mi mjed ni bzod pa'i ming ste nyon mongs pa dug [C:60]gsum gyis mi 'phrogs shing bzod la / de la sems bsran thub pas mi mjed de / snying rje pad dkar las / ci'i phyir 'jig rten gyi khams de ni mi mjed ces bya zhe na / sems can de dag 'dod chags la mi mjed pa dang / zhe sdang la