[A:45a]mi mjed pa dang / gti mug la mi mjed pa dang / nyon mongs pa'i 'ching ba rnams la mi mjed pas de'i phyir 'jig rten gyi khams de ni mi mjed ces bya'o / /
'jig rten gyi khams mi mjed der bskal pa chen po bzang po zhes bya ba 'byung bar 'gyur ro / /
de ci'i phyir bzang po zhes bya zhe na / bskal pa chen po bzang po de la sems can 'dod chags dang zhe sdang dang ti mug la spyod pa rnams kyi nang du rdzogs pa'i sangs rgyas bcom ldan 'das thugs rje chen po dang ldan pa stong 'byung bar 'gyur ba'i phyir te / zhes gsungs so / /
de yang zhing de'i byang sems rnams la de lta bu'i yon tan yod pas de'i ming gis btags pa'am / yang na sangs rgyas la bzod pa de mnga' pas de'i ming gis batgss te / 'jam dpal gyi sangs rgyas kyi zhing gi yon tan bkod pa bstan par / byang chub sems dpa'i theg pa ba sngon gyi rgyal ba la lhag par bya ba byas pa / dge ba'i rtsa ba rnams bskyed pa sangs rgyas brgya stong mang po la bsnyen bkur byas pa bzod pa dang dul ba dang des pa dang ldan pa dag yod de / de dag ni sems can thams cad kyis spyos bsdigs mtshon gyis btab kyang ji snyam mi mjed de 'dod chags dang zhe sdang dang gti mug rnams kyis mi 'phrog go /
rigs kyi bu skyes bu dam pa de dag gi ming gis 'jig rten gyi khams de mi mjed ces brjod do zhes gsungs so / /
[B:40b]de bzhin du sangs rgyas kyi mtshan la gdags tshul yang gsungs so / /
de lta bu'i zhing 'dir thub pa 'byon tshul la / slob dpon klu sgrub kyi mchod rten brgyad kyi bstod par / dang po byang chub mchog tu sems skyed de / /
bskal pa