[A:4a] shes rab kyis tshig dang don zab mor rtogs par 'gyur ba'o / /
zhes so / /
de'i don rgya cher thos pa dang / gsal zhing dri ma med par byed pa dang / nges pa 'thob pa dang / yang dag par rtog pa dang / bden pa rtogs pa ste lnga'o / /
dang po gnyis kyis thos pa'i shes rab yongs su dag /
bar pa gnyis kyis bsam pa'i shes rab yongs su dag /
thams sgom pa'i shes rab yongs su dag par 'gyur bar bstan no / /
yang dam pa'i chos mnyan pa la phan yon rnam pa lnga yod de / rnam par mi shes pa rnam par shes par byed pa dang / nyes par gzung ba 'dor ba dang / the tshom zos pa nges par byed pa dang / nges par byas pa snying por byed pa dang / 'phags pa'i shes rab kyi mig sbyong bar byed pa'o / /
zhes so / /
yang chus ni phan pa rnam pa lnga byed de / 'bras thug po che la sogs pa sbang par bya ba rnams 'bangs par byed pa dang / lus dang gos dang snod dag gi dri ma sel ba dang / sos ka'i lus kyi yongs su gdung ba sel ba dang / skom dad che ba zhi bar byed pa dang / rtswa dang [B:4a]'bru dang nags tshal bskyed cing 'phel bar byed pa yin no / /
de bzhin du sangs rgyas kyi gsung la dad pa bskyed pas / gdung ba'i rgyud 'bangs par byed pa dang / 'chal ba'i tshul khrims kyi dri ma sel ba dang / 'dod pa'i yongs su gdung ba sel ba dang / yang 'byung ba'i srid pa'i skom pa zhi bar byed pa dang / byang chub kyi phyogs [C:5]dang mthun pa'i yon tan gyi rtsa ba dang / 'bru dang nags tshal bskyed cing 'phel bar byed pa yin no / / phan pa lnga po de yang dad pa rnyed pa dang / las dang bcas pa bslab pa gsum las brtsams pa rig par