[A:45b]grangs med gsum du tshogs bsags shing / /
bar du gcod pa'i bdud bzhi 'dzoms mdzad pa / /
bcom ldan seng ge de la phyag 'tshal lo / /
zhes pas / a1. dang por thugs bskyed tshul / b1. bar du tshogs bsags tshul / c1. mthar sangs rgyas tshul la lugs gnyis te / a2. nyan thos kyi lugs dang / b2. theg chen gyi lugs so / /
IVAca1a2. dang po la gsum las / dang po sems bskyed tshul ni / sngon byung ba 'das pa'i dus su / gyal po [C:61]gsal grags zhes bya ba zhig byung ngo / /
de'i 'khor glang po che'i 'dul sbyong shes pa zhig la glang po che zhig 'dul sbyong byed du bcug pas / des glang po che'i 'dul sbyong legs par byas te / gyal po la gsol ba dang / rgyal po na re / khrod shog gsungs nas khrid phyin pa dang rgyal pos zhon te phyin pas / glang po che ba glang mo 'dod chags skyes pa'i dri tshor te / gtsang rong dang nags tshal thams cad la thogs pa med par rgyugs pas / rgyal po skrag ste glang rdzi la ci bya dris pa dang / glang rdzi na re / shing gi yal ga la 'jus shig zer nas 'jus so / /
de nas lhung ste brgyal ba la / glang rdzis brgyal ba sangs par byas pa dang / rgyal po khros te glang po che ma thul bzhin du thul zer ba 'di btson rar chug cig zer ba dang / glang rdzis smras pa / bdag gis glang po che'i lus thul yang sems ma thul ba lags so zhes smras so / /
rgyal po na re / khyod kyis lus thul ba'i rgyu mtshan ci yod / des smras pa / da zhag bdun nas glang po che log nas 'byung / de nas shes par 'gyur ro zhes smras nas / zhag bdun lon pa na glang po che byung ba la lcags kyi tho lum bsregs te rab tu 'bar ba mdun du bzhag nas glang rdzi des kha kha zhes