[A:46a]brjod pa dang / glang po che de mi [B:41a]bzod bzhin du za bar rtsom mo / /
de rgyal po la bstan te / bdag gis 'di'i sems ma thul lo zhes smras pas / rgyal po yid ches te / sems skyed cing smon lam btab pa / sbyin pa 'di yis sh'akya'i rigs skyes te / /
yon tan rigs rus mnyam pa'i sangs rgyas nyid gyur te / /
tshangs pa'i bar gyi nyam thag 'ching ba rnams / /
zhi ba rgya chen 'jigs med sgrol bar shog /
ces smon lam btab ste sems bskyed do / /
IVAcb1a2. gnyis pa ni / de nas bzung ste sangs rgyas yul 'khor skyong gi bar sangs rgyas bdun khri lnga stong bsnyen bkur zhing bskal pa grangs med par tshogs bsags te grangs med dang po rdzogs te / lung las / sangs rgyas sh'akya thub pa nas / /
'dren pa yul 'khor skyong gi bar / /
bdun khri lnga stong tshang ba yi / /
sangs rgyas rnams ni ngas mchod do / /
zhes so / /
de nas sangs rgyas legs mdzad nas bzung ste / dbang po rgyal mtshan gyi bar bdun khri drug stong bsnyen bkur zhing grangs med gnyis pa rdzogs par byas so / /
lung las / sangs rgyas legs mdzad nas bzung ste / /
dbang po rgyal mtshan thub pa'i bar / /
bdun khri drug stong tshang ba yi / /
sangs rgyas rnams ni ngas mchod do / /
zhes so / /
de nas mar me mdzad nas / 'od srungs kyi bar bdun khri bdun stong bsnyen bkur zhing grangs med gsum pa rdzogs par byas te / lung las / sangs rgyas mar med mdzad nas ni / /
sangs rgyas 'od [C:62]srungs bar dag tu / /
bdun khri bdun stong tshang ba yi / /
sangs rgyas rnams ni ngas mchod do / /
zhes so / /
mdzod nas / rin chen gtsug tor can yan chad kyis grangs