[A:46b]med dang po rdzogs so / /
de nas mar me mdzad yan chad kyis gnyis pa rdzogs so / /
de nas rnam par gzigs yan chad kyis gsum pa rdzogs par bshad do / /
rnam gzigs mar me rin chen [B:41b]gtsug /
grangs med gsum gyi tha mar byung / /
dang po sh'akya thub pa yin / /
zhes so / /
de nas bskal pa chen po brgyar / mtshan bzang po'i rgyu sgrub par byed pa la / byang chub sems dpa' nges gnas zhes bya ba zer ba yin no / /
de nas bskal ba brgya lus pa sangs rgyas skar rgyal la zhag bdun du tshigs bcad gcig gis bskor ba bar ma chad par byas pa'i brtson 'grus kyis bskal pa chen po dgu'i tshogs 'dums te / de nas bskal pa chen po dgu bcu rtsa gcig 'das pa na grong khyer nyer ldan du sangs rgyas 'od srungs byon pa'i tshe bram ze khye'u bla mar gyur pa yan chad kyis mtshan gyi rgyu rdzogs so / /
de nas dam pa tog dkar tu 'khrungs pa la sogs pa'i mdzad pa bcu gnyis kyi tshul zhib tu / lung dang / mngon par 'byung ba'i mdo las shes par bya zhing / khyad chos / ston dang bse ru byang chub par / /
bsam gtan mtha' brten gcig la kun / /
zhes pas so so'i skye bo grangs med gsum du thar pa cha mthun bsags pa gcig gis srod la bdud btul / gung la bsam gtan bzhi pa'i dngos gzhi la brten nas sbyor lam yan chad rgyud la bskyed nas / tho rangs skya rengs 'char ka'i skad cig gcig yan chad la phyin drug rdzogs te / ji skad du / kun la thams cad snying rje bas / /
sbyin par byed pas sbyin pa rdzogs / /
chags bcas yan lag bcad kyang ni / /
mi 'khrugs bzod dang tshul khrims kyi / /
skar rgyal bstod pas brtson 'grus kyi / /
de ma