[A:95] grags che ba'i slob dpon rnam gnyis so | |
de las sangs rgyas bskyangs kyi dngos slob kamala budhi dang | legs ldan slob ma 'ga'i zhabs zin slob dpon zla ba grags pas de dag las klu sgrub kyi gzhung lugs gnas sbyang mdzad | 'di dus tsam na thogs med sku mched kyi srol 'dzin slob dpon tsanTagomi yang byon te skabs der 'phags yul du yongs su grags pa rgya che zhing zla bas klu sgrub kyi srol dang | tsanTagomis thogs med kyi srol bzung nas dpal na lendrar lo bdun gyi ring du lung dang rigs pas bgro gleng gi rtsod pa byas pas mkhas pa gang dag gis ched du brjod pa 'di ltar | kye ma 'phags pa klu sgrub gzhungs | | la la'i sman la la'i dug | | mi pham 'phags pa thogs med gzhung | | skye bo kun la bdud rtsi nyid | | ces pa 'di phyis su yun ring mo'i bar magadha'i grong khyer gyi khye'u dang bu mo tshun chad kyis glu dbyangs kyi sgo nas sgrogs par byed do | |
des na 'phags yul du sangs rgyas bskyangs legs ldan sogs ma byon gong du theg chen sde pa rnal 'byor spyod pa'i slob dpon dag gi rjes 'brang dngos smra'i sems tsam pa dang | klu thogs gnyis kyi rjes 'brang dbu ma pa gnyis yongs su grags pa ltar yin cing | de yang klu sgrub kyis sngon gyi slob dpon gang dag gi rjes 'brang dngos smra'i sems tsam bkag cing rang lugs dbu ma rang stong dang gzhan stong gi srol legs par bzung | de rjes su thogs med sku mched kyis kyang theg chen spyod phyogs rgya cher rtsal du bton pa'i sgo nas dbu ma rang stong gzhan stong gi khyad legs par phyes te rang stong gi bstan tshod gnas skabs kyi dbu ma tsam dang gzhan stong gi bstan tshod mthar thug gi gnas lugs nges pa don gyi dbu mar gtan la phebs nas mdo sde dgongs don drang nges legs phye mdzad pas 'di skabs na spyir dbu ma tsam dang | rnam rig nges don dbu ma gnyis dbu ma'i dbye bar rtsod med du grags so | |
de nas rim gyis sangs rgyas bskyangs legs ldan sogs kyi ring nas thogs med sems tsam dang klu sgrub dbu ma par bcad nas thal rang gi rang lugs so sor srol phye ba yod na'ang 'dir rang lugs kun mkhyen jo nang pa chen po'i rdzogs ldan chos mchog gi bzhed dgongs ltar 'jam mgon bla ma rje kun dga' snying po'i zhal snga nas sngon gyi sems tsam pa'i bstan bcos gang dag byams chos dang thogs med mched kyi rjes 'brang ma yin cing | thogs med sku mched byon pa nas bzung theg chen sngar las dar rgya che ba'i sgo nas rnam rig dbu ma nges don gzhan stong gi tshul gtso bor rtsal thon mdzad pa'i theg chen spyi dang nges don dbu ma'i srol 'byed chen po nyid du ches legs par bzhugs nas de lugs kyi dbu ma chen po'i chos tshul gsal mdzad kyi 'dzam gling mdzes pa'i rgyan du legs par gsungs pa yin gyi thogs