[A:96] med sku mched dngos por smra ba kho na'i gral du sma 'bebs mdzad pa ni ches mi rigs pas de lugs ltar rang re'i dam pa gong ma dag ni mi bzhed do | | de lta bas na nges don dbu ma'i rang lugs mdo phyogs nas brgyud rim yang rgyal ba gang dang rgyal tshab kyi dgongs pa bzhin 'dzam gling mdzes pa'i rgyan mchog dag gis legs par bkral ba'i rdzogs ldan gyi zab chos bla na med pa'i khungs shin tu btsun pa'o |
gnyis pa | sngags phyogs nas rim brgyud skabs |
spyir kun gzigs ston pa chen po ni thabs mkhas la thugs rje chen po dang ldan pa yin pas gdul bya mtha' dag gi khams dbang ji bzhin mkhyen po'i sgo nas de mthun nye bar phan pa'i yang dag gi chos 'ba' zhig gdul bya rang rang dang 'tsams par bka' drin du mdzad pa las de thams cad kyang mthar thug gnas lugs gdod ma dang po'i sangs rgyas nyag gcig mngon byed thabs su dngos dang brgyud pa'i lam gyi rim pa gdul bya gang dag gi rang blo dang sgo bstun nas gsungs pa sha stag ma yin pa med pas gzhi'i gnas lugs ni gcig las ma 'das pa'i dgongs pa'i gnad don gyi mtha' gcig la gzhol zhing 'bab nges su 'dug phyir ston pa gang nyid kyis gdul bya'i khams dbang dang mthun pa'i rgyu dang 'bras bu'i theg pa gsungs shing | de yang rang rang byin gyis rlabs pa gang rung la brten nas 'bras theg la sngags gsar rgyud rgyud sde bzhi dang | rnying rgyud sems klong man ngag gi rgyud sde rgya che ba dang bcas 'phags yul dang | 'bras spungs kyi mchod rten | poTala | u rgyan gyi yul sogs 'dam gling gi gnas so so dang | ri rab kyi rtse | sum bcu rtsa gsum | 'og min gyi gnas sogs su gdul bya thun min gyi ngor rang rang gi khams dbang mthun pa'i rgyud sde mtha' dag gang gsungs pa de dag ma lus pa rgyud sde 'og ma nas rim pas bla med gsang chen mchog gi bar gyis gzhi'i gdod ma'i gnas lugs rim gyis ji bzhin mngon byed thabs kyi bul myur ci rigs pa'i man ngag gi sgo 'dra min gyi khyad par rsam las don la mthar thug gi dgongs gnad gcig pur gzhol ba yin pas thams cad nges don sngags kyi gzhan stong dbu ma chen mo gcig nyid dngos rgyud gang 'tshams nas mi ston pa med |
gsum pa | rgyud rgyal dus kyi 'khor lo dar tshul |
de rnams las kyang da skabs rang re la sgrub bka' babs pa'i gtso bo cang 'jus su byed yul ni gsar rgyud bla med theg pa'i yang rtse rgyud rgyal dus kyi 'khor lo las bstan pa'i rim gnyis kyi lam zab