[A:125] pa'i mchog tu gyur pa nas bzung rim bzhin gdul bya rjes su bzung ba la 'dzam thang dgon 'dir sngon slob dpon padmas lung bstan pa bzhin ngur smrig gi rgyal mtshan 'dzin cing grub pa'i rtags mnga' ba sprul pa'i sku chen po bcu gsum gyis gtsos dge 'dun 'dus pa dge tshul slong gi sde stong phrag du ma rjes su bzung ste rang rang dang 'tsham pa'i dbang lung man ngag mdo sngags gzhung lugs kyi rnam par bshad pa sogs sgo gang thad nas kham dbang dang mthun pa'i chos char rgya cher legs 'bebs mdzad pa rgyun mi chad bzhin khong gis nyin re la dus 'khor 'grel chen dri med 'od tshar gcig zhal 'don 'chag med sku tshe gang bo la mdzad par grags shing | de dag gi bar bar 'chad nyan gyi grwa cher skyong ba bzhag ste | rdo'i yog gi gnam lung ri khrod | sgye ma'i gnas mdun | bud khang dgon lung | a mgon brag sngon phug | pho dra'i dgon lung gnas sogs su phebs te sgrub pa gtso bor byed bzhin bzhugs shing | de dag tu bzhugs skabs yul lha'i rgyal po rtse lnga sogs bka' srung ci rigs la tha tshig g.yel med kyis dam bzhag dang | khyad par brag sngon sgrub phug tu bzhugs dus khong gi gser zhwa'i tog gi rjes zab mo brag gi ngos su dod pa da lta'ang mjal yod |
de las gzhi khyon phal cher 'dzam thang du bzhugs te chos grwa skyong bzhin rnam dkar gyi mdzad bzang che ba du ma'ang mdzad cing | skabs de dag tu gang gi thugs sras kyi gtso bo dang 'dra dpal gyi mtshan can bcu gsum ni | chos rgyal gzhon nu rgyal mtshan gyi sku skyes smon lam dbang phyug rgyal mtshan dpal | tshes bcu ratnakIrti'i yang sprul gnyis pa rin chen dpal | yongs 'dzin rtogs ldan grags pa 'byung gnas dpal | rgyal rong ba nam mkha' bzang po dpal | drung dka' bzhi pa'i yang sprul gnyis pa rin chen bzang po dpal | lha sgang ba shes rab rgyal mtshan dpal | bshul yag bsod nams dpal | a rge'i yang sprul gnyis pa nyi ma 'od zer dpal | yo be bstan pa'i rgyal mtshan dpal | rig 'dzin dge 'dun seng ge dpal | rag khrom 'od zer rgyal mtshan dpal | mkhan chen don yod rgyal mtshan dpal | kha sar nam mkha' rgyal mtshan dpal rnams yin zhing | gzhan yang byang chub rgyal mtshan dpal | chos kyi rgyal mtshan dpal | a ti nam mkha' dpal | sangs rgyas dpal ldan | lha sras grub chen dpal sogs rang lugs nges don sgrub brgyud 'dzin pa'i skyes chen dam pa mang po yod la | de las kyang gzhan yang gang gi chos kyi slob mar gyur pa bod ljongs kyi skad grags che ba karma zhwa dmar na rim lnga pa dkon mchog 'bangs dang | 'dzam gling sgar ba karma zhwa nag dgu pa dbang phyug rdo rje dang | gushrI bzhi pa rgyal tshab grags pa don grub sogs dang | sog po'i nang so karma bla ma | mi nyag tu bzhugs pa sa skya'i bla ma nam mkha' rgyal mtshan sogs phyogs kyi chos brgyud gzhan 'dzin pa'i skyes chen yang mang tshod du 'dug go | |